سماجی رابطے کی ویب سائٹ ایکس (ٹوئٹر) پر لاکھوں ڈالرز کا جرمانہ عائد کردیا گیا۔

تفصیلات کے مطابق بچوں کے استحصال پر مبنی مواد کی روک تھام میں ناکامی پر آسٹریلیا نے آن لائن سیفٹی ایکٹ کے تحت سوشل میڈیا پلیٹ فارم ایکس پر 6 لاکھ 10 ہزار ڈالرز سے زائد کا جرمانہ عائد کیا ہے۔

اس ایکٹ کے تحت پہلی بار کسی آن لائن کمپنی پر جرمانہ عائد کیا گیا ہے۔

حکام کا کہنا ہے کہ بچوں کے استحصال پر مبنی مواد کی روک تھام کے حوالے سے سوالات کا جواب نہ دینے پر ایلون مسک کے زیر ملکیت پلیٹ فارم ایکس پر جرمانہ عائد کیا جا رہا ہے۔

سوشل میڈیا کمپنی کو 28 دن میں جرمانہ ادا کرنا ہوگا یا ان سوالات کا جواب دینا ہوگا جن کو نظر انداز کیا گیا۔

ای سیفٹی کمشنر جولی انمین گرانٹ کی جانب سے نوٹسز پر ٹیکنالوجی کمپنیوں کے ردعمل پر مبنی رپورٹ 16 اکتوبر کو جاری کی گئی۔

رپورٹ میں بتایا گیا کہ بیشتر بڑی ٹیکنالوجی کمپنیاں بچوں کے استحصال پر مبنی مواد کی روک تھام اور انہیں ڈیلیٹ کرنے میں ناکام رہی ہیں۔

جولی گرانٹ نے کہا کہ اگر ایکس جواب اور تفصیلات جمع کرانے میں ناکام رہی تو پھر سوشل میڈیا کمپنی کو وفاقی عدالت میں لے جایا جائے گا، جہاں اس پر بھاری جرمانہ عائد ہو سکتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں