سال 2023 میں سب سے زیادہ ڈیلیٹ کی جانے والی ایپ کونسی رہی؟

ویب ڈیسک

25th Dec, 2023. 04:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سال 2023 میں سب سے زیادہ ڈیلیٹ کی جانے والی ایپ کونسی رہی؟

آج ہم آپکو بتائیں گے کہ رواں سال سب سے زیادہ ڈیلیٹ کی جانے والی ایپ کونسی رہی ہے۔

ایک حالیہ تحقیق کے مطابق 2023 کے دوران سوشل میڈٰیا کی فوٹو اینڈ ویڈیو شیئرنگ ایپ انسٹاگرام دنیا میں سب سے زیادہ ڈیلیٹ کی جانے والی ایپ رہی۔

جی ہاں، دنیا بھر میں ہر ماہ 10 لاکھ 20 ہزار بار انسٹاگرام اکاؤنٹ ڈیلیٹ کرنے کے عمل کے بارے میں جاننے کے لیے انٹرنیٹ پر سرچ کیا گیا۔

تحقیق میں بتایا گیا کہ انسٹاگرام کو سب سے زیادہ ڈیلیٹ کرنے کی وجہ اس فوٹو شیئرنگ ایپ میں کی جانے والی تبدیلیاں ہیں۔

انسٹاگرام کو حالیہ برسوں میں بہت زیادہ تبدیل کر دیا گیا ہے جبکہ اب یہ ایپ اشتہارات اور کمائی کے خواہشمند افراد کا مرکز بن چکی ہے، جس نے بھی صارفین کو متاثر کیا ہے۔

انسٹاگرام کے بعد دنیا میں سب سے زیادہ ڈیلیٹ کی جانے والی ایپ اسنیپ چیٹ رہی جسے ڈیلیٹ کرنے کا عمل جاننے کے لیے ہر ماہ اوسطاً ایک لاکھ 28 ہزار افراد نے انٹرنیٹ کا رخ کیا۔

تیسرے نمبر پر ایکس (ٹوئٹر) رہی جس کے بعد ٹیلی گرام اور فیس بک بالترتیب چوتھے اور 5 ویں نمبر پر رہے۔

ٹک ٹاک چھٹے، یوٹیوب 7 ویں جبکہ واٹس ایپ 8 ویں نمبر پر سب سے زیادہ ڈیلیٹ کی جانے والی ایپ رہی۔