دنیا بھر میں سماجی رابطے کی ویب سائٹ ایکس (ٹوئٹر) کی سروس ڈاؤن ہونے کی شکایات موصول ہوئی ہیں۔
غیر ملکی میڈیا کے مطابق سماجی رابطے کی مائیکرو بلاگنگ ویب سائٹ اور موبائل ایپلی کیشن دونوں کی سروس ڈاؤن ہونے کی شکایات صبح 11 بجے کے وقت سامنے آئیں۔
رپورٹ میں بتایا گیا کہ ایکس پر جانے والے صارفین کو ریگولر ٹوئٹس کی جگہ ’WELCOME TO YOUR TIMELINE‘ لکھا نظر آیا جس سے معلوم ہوتا ہے کہ سماجی رابطے کی ویب سائٹ پر کوئی بڑا مسئلہ ہوا ہے۔
ایکس پر نظر رکھنے والی ویب سائٹ ڈاؤن ڈیٹیکٹر کے مطابق دنیا بھر سے تقریباً 70 ہزار شکایات موصول ہوئیں جن میں ایکس کی سروس متاثر ہونے کے بارے میں بتایا گیا۔
خیال رہے کہ اس سے قبل رواں برس مارچ اور جولائی میں بھی ایکس کی سروس متاثر ہونے کی شکایات سامنے آئی تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News