معروف ٹیکنالوجی کمپنی گوگل کروم نے اپنے صارفین کو زبردست تحفہ دے دیا۔

رپورٹ کے مطابق گوگل نے اپنے صارفین کے لئے ویب براؤزر گوگل کروم میں چند نئے فیچرز کا اضافہ کیا ہے۔

نیا ورژن مارچ میں صارفین کے لئے متعارف کرایا جائے گا جبکہ ابھی اس کا بیٹا ورژن جاری کیا گیا ہے۔

ایک فیچر اینڈرائیڈ ڈیوائسز میں پی ڈی ایف ریڈر کو کروم براؤزر کا حصہ بنانے کے حوالے سے متعارف کرایا گیا ہے۔

کروم براؤزر کے ڈیسک ٹاپ ورژن میں پی ڈی ایف ریڈر کا استعمال کا فی وقت سے کیا جارہا ہے، مگر اب اینڈرائیڈ اسمارٹ فونز کے لیے یہ فیچر متعارف کرایا جا رہا ہے۔

اس فیچر کے تحت اینڈرائیڈ ڈیوائسز میں پی ڈی ایف فائلز کو ڈاؤن لوڈ کرنے کی ضرورت نہیں رہے گی بلکہ وہ ویب براؤزر میں ہی اوپن ہو جائیں گی۔

ایک اور نیا فیچر ٹیب گروپ شیئرنگ سے متعلق ہے۔

اس فیچر سے آپ کروم پر لنکس کی بجائے ٹیب گروپس کو شیئر کرسکیں گے جبکہ یہ فیچر اینڈرائیڈ ڈیوائسز اور ڈیسک ٹاپ ورژن کے کروم صارفین کے لیے متعارف کرایا جائے گا۔

ایک نیا فیچر کروم کے ڈیسک ٹاپ ورژن میں اینڈرائیڈ جیسے میڈیا پلیئر سے متعلق پیش کیا گیا ہے۔

کروم 123 کے ڈیسک ٹاپ ورژن میں ایک نیا میڈیا پلیئر ویب براؤزر کا حصہ بنے گا۔

اس طرح کا میڈیا پلیئر ابھی گوگل پکسلز فونز میں دیکھنے میں آتا ہے جس میں پلے بیک اور کاسٹنگ بٹنز کو تبدیل کیا جائے گا۔