واٹس ایپ میں بڑی تبدیلی کردی گئی

ویب ڈیسک

21st Feb, 2024. 01:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

واٹس ایپ میں بڑی تبدیلی کردی گئی

دنیا کی سب سے زیادہ استعمال ہونے والی سماجی رابطے کی ایپلی کیشن واٹس ایپ نے برطانیہ اور یورپی یونین کے ممالک میں ایپ استعمال کرنے لیے عمر کی حد میں کمی کر دی۔

رپورٹ کے مطابق برطانیہ اور دیگر یورپی ممالک میں واٹس ایپ استعمال کرنے کے لیے صارفین کو کم از کم 16 سال کا ہونا لازمی تھا، لیکن اب تمام ممالک کے لیے یہ عمر کم کر کے 13 برس کردی گئی ہے۔

واٹس ایپ نے اپنے جاری کردہ ایک بیان میں بتایا کہ کمپنی اپنے قواعد و ضوابط اپ ڈیٹ کر رہی ہے اور اپنی پرائیویسی پالیسی میں تبدیلی لا رہی ہے جس کے بعد برطانیہ میں واٹس ایپ استعمال کرنے کی کم از کم عمر 16 سے گھٹ کر 13 ہوجائے گی۔

واٹس ایپ نے کہا کہ اس تبدیلی سے زیرِ استعمال سروسز میں کوئی تبدیلی واقع نہیں ہوگی، ہمیشہ کی طرح صارفین کی نجی تصاویر اور کالز اینڈ ٹو اینڈ انکرپٹڈ رہیں گی۔

اس تبدیلی کے تحت بھیجے یا موصول کیے جانے والے پیغام یا کالز کو کوئی بھی حتیٰ کہ واٹس ایپ بھی نہ تو پڑھ سکتا ہے اور نہ ہی سن سکتا ہے۔