واٹس ایپ اپنے صارفین کی بڑی مشکل آسان کرنے کو تیار

ویب ڈیسک

13th Feb, 2024. 04:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

واٹس ایپ اپنے صارفین کی بڑی مشکل آسان کرنے کو تیار

دنیا کی سب سے زیادہ استعمال ہونے والی سماجی رابطے کی ایپلی کیشن واٹس ایپ اپنے صارفین کی بڑی مشکل آسان کرنے کو تیار ہے۔

رپورٹ کے مطابق واٹس ایپ نے ویب صارفین کے لئے ‘فیورٹ کانٹیکٹس’ کے فیچر پر کام شروع کیا ہے۔

اس فیچر کے تحت صارفین وقت کی بچت کرتے ہوئے اپنے ان کانٹیکٹس کو اس آپشن میں رکھ سکیں گے جن سے وہ زیادہ رابطے میں رہتے ہیں۔

رپورٹ میں بتایا گیا کہ صارفین کے واٹس ایپ کے سرچ بار میں ‘فیورٹس’ کا آپشن آئے گا جس میں وہ چند مخصوص لوگ ہوں گے جنہیں آپ اس کیٹیگری میں رکھنا چاہیں۔

فوٹو: اسکرین شاٹ

یعنی واٹس ایپ اب ایک ایسا فیچر متعارف کرانے کے عمل میں ہے جو صارفین کو مستقبل میں اپنے پسندیدہ رابطے دکھا کر چیٹس کی فہرست کو فلٹر کرنے کی اجازت دے گا۔

صارفین کو اپنے پسندیدہ رابطوں کا انتخاب کرنے کا اختیار حاصل ہوگا اور وہ آسانی سے ان تک رسائی حاصل کرسکیں گے۔

خیال رہے کہ اس فیچر پر ابھی کام جاری ہے، ابتدائی طور پر یہ کچھ مخصوص صارفین کے لیے متعارف کرایا جائے گا، بعد ازاں یہ سب کے لیے پیش کردیا جائے گا۔