سام سنگ گیلکسی اے 35 کی مزید تفصیلات سامنے آگئیں

ویب ڈیسک

20th Feb, 2024. 11:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سام سنگ گیلکسی اے 35 کی مزید تفصیلات سامنے آگئیں

سام سنگ کی گیلکسی سیریز کے اگلے اسمارٹ فون کی تفصیلات انٹرنیٹ کی ایک موقر ویب سائٹ پر افشا ہوئی ہیں۔ بظاہر یوں لگتا ہے کہ ایس ایم 356 ای نامی میں اے آر ایم مالی جی 68 سی پی یو اور 8 جی بی ریم ہوسکتی ہے۔

اس فون کا تکنیکی نام سام سنگ گیلکسی اے 35 فائیو جی رکھا گیا ہے جو اے 34 سے آگے کا ماڈل ہے۔ سب سے پہلے یہ گوگل پلے کونسول میں نمودار ہوا۔ لیکن اس کے علاوہ پروسیسر اور دیگر تفصیلات بھی شامل کی گئی ہیں۔

یہ اینڈروئڈ 14 استعمال کرے گا۔ اس کا ہموار ڈسپلے ہے اوربیزل نہ ہونے کے برابر ہے۔ کیمرہ سینسر ایک باریک سوراخ میں درمیان میں رکھا گیا ہے۔ 450 ڈی پی آئی کے ساتھ اس کی اسکرین ریزولوشن 1080 ضرب 2340 پکسل ہوسکتی ہے۔ اس بار کئی مختلف رنگوں میں یہ دستیاب ہوگا جس میں خوبصورت آئس بلو یا برفیلا نیلگوں رنگ بھی شامل ہوگا اور توقع ہے کہ یہی رنگ بہت زیادہ فروخت ہوگا۔

جہاں تک کیمرے کی بعد ہے تو مرکزی سینسر 50 میگاپکسل اور دو کیمرے بالترتیب 8 اور 5 میگا پکسل کے ہوسکتے ہیں۔ جبکہ ایک اور کیمرہ 13 میگاپکسل تک کا ہوسکتا ہے۔ چھ اعشاریہ چھ انچ اسکرین کا ڈسپلے فل ایچ ڈی 120 ہرٹز ریفریشنگ ریٹ کے ساتھ ہوسکتا ہے۔

تاہم اس کی قیمت معلوم نہیں ہوسکی ہے۔