چین خلائی بستی بنانے کا آغاز کرنے جارہا ہے جس کا خاکہ ایک ویڈیو میں پیش کیا گیا ہے، جس میں امریکی طرز کی خلائی شٹل بھی دکھائی گئی ہے۔

چین کی قومی خلائی ایڈمسٹریشن یعنی چائنا نیشنل اسپیس ایڈمنسٹریشن نے ایک ویڈیو ریلیز کی ہے جس کے مطابق چین 2045 تک چاند میں بستی بسانے کا ارادہ رکھتا ہے اس ویڈیو کی سب سے دلچسپ بات یہ ہے کہ اس کے اندر دور پس منظر میں ایک خلائی شٹل دکھائی گئی جو پرواز کر رہی ہے لیکن اسے یوٹیوب ویڈیو کے اندر تھوڑا سا بلر کیا گیا ہے یہ خلائی شٹل عین امریکا کی مشہور خلائی شٹل کی طرح بنائی گئی ہے تاہم چین نے اس کی مزید تفصیلات سے آگاہ نہیں کیا ہے۔

اگرچہ یہ ایک کمپیوٹر جنریٹرڈ ویڈیو ہے جسے کمپیوٹر یا اے آئی سے بنایا گیا ہے۔ واضح رہے کہ چین کی چاند میں دلچسپی دیگر ممالک کی نسبت کئی گنا زیادہ ہے جبکہ اس حوالے سے کافی تیزی سے کام ہوتا ہوا بھی دکھائی دے رہا ہے۔ اس کی مثال حال ہی میں چاند پر بھیجا جانے والا راکٹ ہے جو ایک مشن کے تحت چاند کی سطح سے کچھ سیمپلز جیسے مٹی لے واپس آئے گا۔

واضح رہے کہ چائنا نے اس مصوبے کا آغاز 2021 میں کیا تھا اور روس اس منصوبے میں چائنا کے حلیف کی حیثیت سے ساتھ کام کر رہا ہے۔ ماہرین نے اس ویڈیو کو دیکھ کر کہا ہے کہ جس طرح چائنا نے اس ویڈیو میں عجیب و غریب انداز میں خلائی شٹل دکھائی ہے اس سے ثابت ہوتا ہے کہ وہ چاند کے خلائی اڈے پر زمین سے آنے جانے کے لیے خلائی شٹل کو استعمال کرے گا۔

تاہم تجزیہ نگاروں نے سب سے زیادہ اس بات پر اعتراض کیا ہے کہ آخر اس ویڈیو کے اندر خلائی شٹل کوکیوں دھندلا کیا گیا یا بلر دکھایا گیا ہے جبکہ اس ویڈیو میں باقی چیزیں کافی واضح ہیں بہرحال یہ ایک چیلنجنگ کام ہوگا۔ اس حوالے سے تجزیہ نگاروں نے اور سائنسدانوں کا کہنا ہے کہ اگر چین خلا اور زمین کے درمیان کوئی شٹل سروس چلاتا ہے تو یہ ایک بہت بڑا اور بہت ہی اہم قدم ہوگا۔

امریکا اور چین کی خلائی عداوت کچھ کم نہیں ہے واضح رہے کہ ناسا کے ایڈمنسٹریٹربل نیلسن نے دوماہ پہلے کہا تھا کہ چین زمین کے گرد جو تجربات انجام دے رہا ہے اس کےا ندر عسکری یا دفاعی یا فوجی تجربات بھی شامل ہیں اور اس پر دنیا بھر کے بہت سے ممالک نے اپنے اپنے تحفظات کا بھی اظہار کیا ہے۔