خلائی دوربین ہبل کی 35ویں سالگرہ کے جشن کے موقع پر کائنات اور کہکشان کا تصویری مجموعہ جاری کیا گیا ہے جس میں مریخ اور ایک کیڑے کے برابر سیارے کا بھی انکشاف ہوا ہے۔

یورپی خلائی ایجنسی (ESA) کے حکام، جو کہ ناسا(NASA)  کے ساتھ مشترکہ طورپر ہبل کوچلاتے ہیں، نے 35ویں سالگرہ کے جشن پر کائنات اور کہکشاں کی  چند نئی تصاویر جاری کی ہیں۔

نئی منظر عام پر آنے والی تصاویر میں مریخ کے بالائے  بنفشی کا ایک شاندار پورٹریٹ بھی شامل ہے جو دسمبر 2023 میں لیا گیا تھا، جب سرخ سیارہ زمین سے تقریباً 60 ملین میل دور تھا۔

ایک تصویر میں تھرسیس آتش فشاں سطح مرتفع اور اولمپس مونس کو پانی کے برف کے پتلے بادلوں سے اٹھتے دکھایا گیا ہے۔

ہبل خلائی دوربین کے مدار میں 35 سال مکمل ہونے پر نئی تصاویر کے ایک حیرت انگیز کھیپ جاری کیا گیا، انہی تصاویر میں مریخ پر موسمی تبدیلیوں سے لے کر کیڑے کے سائز کے سیاروں کے نیبولا اور دور دراز سرپل کہکشاں تک سب کچھ شامل ہے۔

ہبل کو 24 اپریل 1990 کو خلائی شٹل ڈسکوری سے تعینات کیا گیا تھا اور اس نے زمین کے نچلے مدار سے بے مثال کائناتی نظارے پیش کیے ہیں۔

سائنس اورایکسپلوریشن کے ایک ہتھیار کے طور پر ’’ہبل‘‘ کی 35 سالہ تاریخ نے تقریباً 1.7 ملین مشاہدات، 22,000 سے زیادہ نظرثانی شدہ سائنسی مقالے اور تقریباً 400 ٹیرا بائٹس آرکائیو ڈیٹا کی فراہمی کا باعث بنی، تاہم یہ ڈیٹا نسلوں کو دور دراز اور اکثر متحرک کائنات کے شاندار نظاروں کی جھلک فراہم کرتا رہا ہے۔