ٹیکنالوجی کی دنیا کے ارب پتی ایلون مسک نے اپنے اے آئی پراجیکٹ ’’گروک‘‘ میں نیا فیچر شامل کردیا ہے۔ اب سپر گروک نے صارفین کو ’’اے آئی کمپینین بوٹس‘‘ تک رسائی دے دی ہے۔

یہ اعلان ایک ایسے وقت میں سامنے آیا ہے جب گروک کو حال ہی میں یہودی مخالف اور نفرت انگیز مواد کی اشاعت کے باعث شدید تنقید کا نشانہ بنایا جارہا ہے۔

ایلون مسک نے نئی سمت اختیار کرتے ہوئے گروک کو ایک دلچسپ اور قدرے متنازعہ رخ دے دیا ہے۔

ایلون مسک کے مطابق اب تک کم از کم دو اے آئی کمپینینز متعارف کروائی جا چکی ہیں جن میں پہلا ’’کریکٹر‘‘ آنی‘‘ ہے جو سنہری چوٹیوں والی، گوتھ اینیمے اسٹائل کی لڑکی ہے جب کہ اس کریکٹر کو بلیک کارسیٹ، مختصر لباس اور تھائی ہائی فش نیٹس میں دکھائی گئی ہے۔

دوسرا کریکٹر ’’بیڈ روڈی‘‘ ہے جو کہ ایک تھری ڈی فاکس (لومڑی) نما کردار ہے۔ ایلون مسک نے ’’آنی‘‘ کی تصویر پوسٹ کرتے ہوئے لکھا ’’یہ کافی دلچسپ ہے‘‘۔

Update your app to try out @Grok companions!https://t.co/3M9k0jUmSv https://t.co/DJrHXHI7IM

— Elon Musk (@elonmusk) July 14, 2025

تنقید اور خدشات

یہ لانچ ایک ایسے وقت میں ہوئی ہے جب اے آٗی ساتھی بوٹس پر ذہنی صحت کے حوالے سے عالمی سطح پر خدشات بڑھ رہے ہیں۔

کریکٹر اے آئی جیسے پلیٹ فارمز پر مقدمات بھی دائر کیے جاچکے ہیں جن میں الزام ہے کہ کچھ چیٹ بوٹس نے بچوں کو خودکشی یا والدین کو نقصان پہنچانے جیسے مشورے دیے۔

حالیہ تعلیمی تحقیق میں بھی خبردار کیا گیا ہے کہ اے آئی کو ’’ساتھی، مشیر یا معالج‘‘ کے طور پر استعمال کرنا خطرناک نتائج لاسکتا ہے۔

گروک کی جانب سے ایسی خصوصیات کا شامل کیا جانا، خاص طور پر جذباتی طور پر جاذب نظر اور کردار پر مبنی اے آئی بوٹس، ایک جراتمند مگر خطرناک فیصلہ سمجھا جا رہا ہے۔

اب دیکھنا یہ ہے کہ آیا یہ نیا تجربہ صرف ایک تفریحی فیچر بن کر رہ جائے گا یا مستقبل میں مزید تنازعات کو جنم دے گا۔