پاکستان میں فائیو جی براڈبینڈ انٹرنیٹ صارفین کو نیا جھٹکا لگا ہے کیونکہ مختلف ٹیلی کام کمپنیوں نے ماہ جولائی سے اپنے پیکجز کی قیمتوں میں نمایاں اضافہ کردیا ہے۔

نئے نرخوں کا اطلاق فوری طور پر کر دیا گیا ہے جس سے لاکھوں صارفین متاثر ہوں گے۔

کن کمپنیوں نے قیمتیں بڑھائیں؟

ملک کی بڑی انٹرنیٹ سروسز جیسے زونگ، جیز، پی ٹی سی ایل چارجی اور ٹیلی نار نے اپنے فائیو جی یا فائبر براڈبینڈ پلانز میں 10 فیصد سے 20 فیصد تک اضافہ کیا ہے۔

زونگ فائبر 50 ایم بی پی ایس کا پرانا ریٹ 4 ہزار 499 روپے ہے جو بڑھا کر 5 ہزار 299 روپے کردیا گیا ہے جب کہ جیز ہام وائی فائی 100 جی بی کا ریٹ 2 ہزار سے بڑھا کر 2 ہزار 350 کردیا گیا ہے۔

پی ٹی سی ایل چارجی ان لمیٹڈ اب ماہانہ 3 ہزار 450 روپے ہوگیا ہے جب کہ ٹیلی نار 4 جی ماہانہ الٹرا 1800 روپے سے بڑھا کر 2200 روپے کردیا گیا ہے۔

قیمت بڑھنے کی وجوہات

ذرائع کے مطابق ڈالر کی قیمت، درآمد شدہ آلات پر ٹیکسز اور مینٹی نینس لاگت میں اضافے کے باعث یہ نرخ بڑھائے گئے ہیں۔

ٹیلی کام کمپنیز کا کہنا ہے کہ مسلسل مالی دباؤ کے باعث یہ تبدیلیاں ناگزیر تھیں تاکہ خدمات کی معیار برقرار رکھا جاسکے۔

صارفین پر اثر اور ممکنہ ردعمل

قیمتوں میں اس اضافے سے خاص طور پر وہ صارفین متاثر ہوں گے جو ورک فرام ہوم، اسٹریمینگ، یا آن لائن گیمز کے لیے انٹرنیٹ استعمال کرتے ہیں۔

بہت سے صارفین نے سوشل میڈیا پر شکایات کا اظہار کیا اورمتبادل نیٹ ورکس پر جانے پر غور کررہے ہیں۔