نیو میکسیکو: پانچ ماہ کے طویل اور سائنسی لحاظ سے اہم مشن کے بعد کریو-10 خلا باز بین الاقوامی خلائی اسٹیشن سے زمین پر واپس آگئے۔

مشن کی کمانڈر ایلینا رویز کا آخری پیغام مختصر مگر جذباتی تھا ’’ہم گھر آرہے ہیں‘‘۔ واپسی پر ریکوری ٹیم اور میڈیکل عملے نے خلا بازوں کا پرتپاک استقبال کیا۔

مشن کے بایومیڈیکل ماہر ڈاکٹر میسن طارق نے مسکراتے ہوئے کہا ’’زمین بھاری لگتی ہے‘‘ جو کہ ان کا طویل بے وزنی کے بعد جسم پر کششِ ثقل کے اثرات کا اظہار تھا۔

کریو-10 اپنے ساتھ 300 سے زائد گھنٹوں کا سائنسی ڈیٹا بھی لایا ہے جس میں ہڈیوں کی مضبوطی، خرد جراثیم کی تبدیلی، مصنوعی ذہانت کے تجربات اور خلائی تنہائی کے نفسیاتی اثرات سے متعلق تحقیقات شامل ہیں۔

مشن میں پہلی بار ایک لسانیات دان جیون پارک نے بھی حصہ لیا، جنہوں نے مائیکرو گریوٹی میں زبانوں کے جذباتی لہجے کی سمجھ کے لیے تجربات کیے۔

جانسن اسپیس سینٹر میں واپسی کی براہِ راست نشریات کے دوران اہل خانہ نے اپنے پیاروں کو کمبل اوڑھائے دیکھا تو جذباتی مناظر دیکھنے میں آئے۔

ناسا ترجمان نے کہا کہ یہ واپسی ہمیں زمین کی نازکی اور اس کی حفاظت کی ضرورت یاد دلاتی ہے۔

کمانڈر رویز کے مطابق یہ سفر نہ صرف سیکھنے اور بڑھنے کا موقع تھا بلکہ زمین اور کائنات میں انسان کی جگہ کی حفاظت کے عزم کی بھی علامت ہے۔ کیپسول کو مزید تجزیے کے لیے ہیوسٹن منتقل کردیا گیا ہے۔