دنیا بھر میں چیٹ جی پی ٹی سروس متاثر ہے ۔اوپن اے آئی کا چیٹ بوٹ چیٹ جی پی ٹی صارفین کی جانب سے کیے گئے سوالات کے جواب نہیں دے رہا۔

صارفین کو مایوسی کا سامنا ہے۔ بدھ کوڈاؤن ڈیٹیکٹر نے صرف 20 منٹ کے اندرچیٹ جی پی ٹی سے متعلق درجنوں شکایات موصول کیں۔

صارفین نے سوشل میڈیا خصوصاً ایکس پر ’چیٹ جی پی ٹی ڈاؤن کے ہیش ٹیگ کے ساتھ یہ جاننے کی کوشش کی

صارفین کے پیغامات تھے چیٹ جی پی ٹی بالکل بھی جواب نہیں دے رہا۔جوابی طور پر صرف خالی پیغام ’بلینک ریپلائی‘ دکھا رہا ہے۔

عالمی میڈیانے بھی تصدیق کی ہے کہ  ہزاروں صارفین نے چیٹ جی پی ٹی کی جانب سے کام نہ کرنے کی شکایت کی۔

دی اکنامک ٹائمز کے مطابق عالمی سطح پر اس تعطل نے صارفین کو شدید مشکلات کا شکار بنایا۔

ٹائمزآف انڈیا نے بھی بتایاہے کہ صارفین  چیٹ جی پی ٹی سے جوابات وصول نہیں کر پا رہے تھے،

پاکستان میں بھی سروس سے متعلق شکایات

پاکستان میں چیٹ جی پی ٹی کی سروس اس وقت متاثر رہی۔ صارفین نے سروس کی بندش یا ردعمل نہ دینے کی شکایت کی اور مختلف میڈیا رپورٹس نے بھی اس کی تصدیق کی۔

یہ پہلا موقع نہیں ہے جب چیٹ جی پی ٹی کو اس طرح کے مسائل کا سامنا کرنا پڑا ہو۔ ماضی میں بھی جب کوئی بڑا اپڈیٹ متوقع ہوتا ہے یا جب صارفین کی تعداد بہت زیادہ ہو جاتی ہے تو ایسے تکنیکی خلل سامنے آ چکے ہیں۔

واضح رہے کہ اپنے آغاز سے لے کر اب تک  چیٹ جی پی ٹی  نے دنیا بھر میں کروڑوں صارفین کو متوجہ کیا ہے۔روزانہ ڈھائی ارب سے زائد پرامپٹس (سوالات یا ہدایات) موصول کر رہا ہے۔