پاکستان کا پہلا اے آئی لرننگ پلیٹ فارم ’’ ہوپ ٹو اسکلز ڈاٹ کام ‘‘ لانچ کردیا گیا ۔ جس کا مقصد وژن پاکستان 2030 کے تحت ایک کروڑ نوجوانوں کوجدیدتربیت کی فراہمی اوربا اختیار بنانا ہے۔

لانچنگ کے موقع پر منعقدہ تقریب میں  شعبہ تعلیم سمیت مختلف شخصیات  نے شرکت کی۔ اس پلیٹ فارم کو یوٹیوب اور سوشل میڈیا پر لائیو اسٹریم کیا گیا، جو پاکستان کے ڈیجیٹل تعلیمی نظام میں اہم سنگِ میل ہے۔

تقریب سے خطاب کرتے ہوئے’’میر گروپ ‘‘ کے شکیل احمد میر نے کہاکہ اس پلیٹ فارم کامقصد معیاری تعلیم تک رسائی کو یقینی بناناہے۔

ان کاکہناتھاکہ ساتھ ہی  ڈیجیٹل مواقع پیدا کرنا، پاکستانی نوجوانوں کی مہارت کوعالمی شراکت داروں میں تبدیل کرنابھی ہے۔

کلیدی خصوصیات

لرننگ پلیٹ فارم کی  کلیدی خصوصیات میں اے آئی  سے چلنے والی پرسنلائزڈ لرننگ، اسمارٹ اینالیٹکس ڈیش بورڈز، ان ویڈیو کوئزز، مائیکرو اسیسمنٹس، اورسیکھنے والوں کے لیے اسکالرشپ پروگرام شامل ہیں۔ ؔ

یہ فری لانسنگ اورکیریئر کی ترقی پر بھی توجہ مرکوز کرتا ہے۔صارفین کو عالمی ڈیجیٹل افرادی قوت میں داخل ہونے کے لیے مہارت سے آراستہ کرتا ہے۔

ماہرین کی رائے

عرفان ملک،سائنسدان ڈاکٹر شیراز اور دیگر اے آئی ماہرین نے کاکہناہے کہ HopeToSkills تعلیمی اور ڈیجیٹل مہارت کے فرق کو پر کرنے کے لیے ٹیکنالوجی کا فائدہ اٹھاتا ہے۔

انہوں نے کہاکہ اس کا ڈیٹا بیس نظام مقامی بصیرت اور متعلقہ سفارشات کو یقینی بناتا ہے۔

HopeToSkills کا مقصد پاکستان کے اہم تعلیمی چیلنجز پرکم لاگت رسائی، ذاتی نوعیت کے تجربات اور حوصلہ افزا نظام فراہم کر کے قابو پانا ہے۔

اس کے کورسز میں  اے آئی،مشین لرننگ، کمیونیکیشن اور فری لانسنگ شامل ہیں۔

ماہرین تعلیم اور نوجوانوں نے اس اقدام کو پاکستان کے ڈیجیٹل مستقبل کے لیے ایک انتہائی مثبت قدم قرار دیا ہے۔

اہداف

واضح رہے کہ یہ پروگروام  ’’میر گروپ ‘‘  کے وسیع تر تعلیمی مشن کاحصہ ہے۔ جو تعلیمی اداروں، سرکاری اداروں،این جی اوز  اور نجی شعبے سے منسلک ایک کروڑ نوجوانوں کوجدید تربیت فراہم اور بااختیار بنائے گا۔