سوشل میڈیا پر ایک اور تہلکا مچ گیا سوشل میڈیا سائٹ فیس بک کمپنی نے آسٹریلیا میں پوسٹوں کے لیے ’لائیک‘ چھپانا شروع کر دیا ہے۔ اور اس کی وجہ جو سامنے آئی ہے کہ  پوسٹ پر لائیک کو چھپانے کا کام کیا جا رہا ہے  اور یہ آزمائش معاشرتی دباؤ کو کم کرنے کے لیے کی جا رہی ہے آسٹریلیا میں فیس بک صارفین دوسروں کی پوسٹوں پر ردعمل اور ویڈیو کے ویوز بھی نہیں دیکھ سکیں گے۔

فیس بک نے جو بیان جاری کیا ہے اس میں بتایا ہے کہ فیس بک کا یہ نیا قدم اس لیے ہے کہ وہ یہ دیکھ سکیں کہ لوگ اس نئے فارمیٹ سے کس طرح جُڑتے ہیں اور اس کے  معاشرے پر کیسے اثرات مرتب ہوتے ہیں۔

فیس بک سوشل میڈیا کی مقبول ایپ دباؤ کا شکار ہو چکی ہے۔

آسٹریلیا کے ای سیفٹی کمشنر کے مطابق ملک میں ہر 5 میں سے ایک بچے کو سائبر بولیئنگ (آن لائن دھمکیوں) کا سامنا ہے، پچھلے سال اس مسئلے کو  اس وقت قومی توجہ حاصل ہوئی جب ایک 14 سالہ لڑکی  نے آن لائن دھمکیوں کی وجہ سے خودکشی کرلی تھی۔

اس واقعے کے بعد انسٹاگرام پر لائیکس چھپانے کے لیے آزمائش کا آغاز کیا گیا اور اس کی دیکھا دیکھی فیس بک کی جانب سے بھی یہ قدم اُٹھایا گیا۔

فیس بک آسٹریلیا کے حکام کا کہنا ہے کہ ہم لوگوں سے یہ جاننے کی کوشش کر  رہے ہیں کہ پوسٹ پر لوگوں کے لائیکس کو چھپانے سے وہ مثبت محسوس کر رہے ہیں یا نہیں۔

فی الحال ابھی کوئی فیصلہ  اعداد و شمار کے حوالے سے نہیں کیا گیا اس حوالے سے کسی تاریخ کا اعلان بھی نہیں کیا گیا کہ یہ آزمائش کا سلسلہ کب تک جاری رہ سکتا ہے۔