اقوام متحدہ کی  انسانی امداد کی تنظیم یونیسیف نے کورونا وائرس کے حوالے سے عوامی آگاہی مہم کا آغاز  کردیا ۔

اقوام متحدہ کی  انسانی امداد کی تنظیم یونیسیف نے کورونا وائرس کے حوالے سے عوامی آگاہی مہم کا آغاز کرتے ہوئے وائرس پھیلنے کے چند وجوہات اور بچاؤ کی تدابیر بتادیں۔

یونیسیف کی جانب سے جاری کردہ رپورٹ کے مطابق  کورونا وائرس سائز میں بڑا (400 تا 500 مائیکرو) ہوتا ہے۔ یہ وائرس ہوا میں نہیں بلکہ زمین پر رہتا ہے،لہٰذا یہ ہوا کے ذریعہ ایک جگہ سے دوسری جگہ منتقل نہیں ہوتا۔

رپورٹ میں کہا گیا کہ کورونا وائرس جب کسی دھاتی سطح پر پڑے گا تو یہ 12 گھنٹے  تک زندہ رہے گا،لہٰذا صابن اور پانی سے ہاتھوں  کو دھوتے رہنا چاہئے۔

اس کے علاوہ  جب  کورونا وائرس کپڑے پر پڑتا ہے تو یہ 9 گھنٹوں تک باقی رہتا ہے لہٰذا کپڑے اچھی طرح سے دھونے اور کم از کم دو گھنٹے دھوپ میں رہنے سے وائرس مرجاتا ہے۔

Find out how you can protect yourself and loved ones from #coronavirus. 👇

— UNICEF (@UNICEF) March 2, 2020

یونیسیف کی رپورٹ میں بتایا گیا کہ یہ وائرس ہاتھوں پر تقریباً دس منٹ تک زندہ رہتا ہے لہٰذا جراثیم کُش صابن سے اچھی طرح ہاتھ دھونا اس جراثیم کے پھیلنے کی روک تھام کے مقصد کو پورا کرتا ہے۔

اگر کورونا وائرس کو 26 سے 27 ڈگری سینٹی گریڈ  تک کے درجہ حرارت کا سامنا کرنا پڑے تو یہ خود بخود ہلاک ہوجائے گا کیونکہ یہ وائرس گرم ماحول میں زندہ نہیں رہ پاتا۔

یونیسیف  کی رپورٹ کے مطابق گرم پانی اور سورج کی شعاعوں کا ذیادہ سے ذیادہ استعمال اس کے پھیلاؤ کو روکنے میں معاون ثابت ہوتا ہے۔

کورونا وائرس سے ہلاکتوں کی تعداد 3 ہزار سے تجاوز کرگئی

 یونیسیف نے خبر دار کیا ہے کہ آئس کریم سمیت ٹھنڈی مشروبات اور کھانے پینے کی اشیاء سے دور رہیں۔گرم اور نمکین پانی سے غرارے کرنے سے ٹانسل کے جراثیم ہلاک ہوجاتے ہیں اور پھیپھڑوں میں رسنے سے بچ جاتے ہیں۔

یونیسیف کا کہنا ہے کہ  ان ہدایات پر عمل پیرا ہونے سے کورونا وائرس کے علاوہ ایچ آئی وی سے بچاؤ کے مقصد بھی پورے ہو سکتے ہیں۔