اسکول میں طالبات سے جنسی ہراسانی کرنے والے اساتذہ کو سوشل میڈیا نے بے نقاب کردیا ہے۔

لاہور کے نجی اسکول میں طالبات کی جانب سے اساتذہ پر جنسی ہراسانی کا الزام عائد کیا گیا تھا جس پر ایکشن لیتے ہوئے نجی اسکول نے 4 اساتذہ کو فارغ کردیا ہے۔

سوشل میڈیا کے ذریعے طالبات کی جانب سے نجی اسکول کے چار اساتذہ پر جنسی ہراسانی اور غیرمہذب تصاویر بھیجنے کا الزام عائد کیا گیا تھا۔

طالبات نے سوشل میڈیا کے ذریعے اس بات کا بھی انکشاف کیا کہ متعدد بار اسکول انتظامیہ کو اساتذہ کے متعلق شکایت کی گئی مگر ایکشن نہیں لیا گیا۔

طالبات کا کہنا تھا کہ اساتذہ کی جانب سے انہیں غیر مہذب میسجز کرنا، کلاس میں غلط طریقے سے ہاتھ لگانا شروع کردیا تھا جس سے تنگ آکر اساتذہ کے خلاف سوشل میڈیا پر پوسٹ کی۔

اس سے متعلق اسکول ڈائریکٹر کا کہنا ہے کہ اسکول انتظامیہ نے طالبات کی شکایت پر چاروں اساتذہ کو فارغ کردیا ہے، چاروں اساتذہ کے خلاف اسکول انتظامیہ نے جامع انکوائری شروع کردی ہے۔

دوسری جانب سوشل میڈیا پر نجی اسکول کی طالبات کے جنسی ہراسانی کے الزام پر ڈسٹرکٹ ایجوکیشن اتھارٹی نے تحقیقاتی کمیٹی قائم کردی ہے ، تحقیقاتی کمیٹی میں تین سرکاری تعلیمی افسران شامل ہیں۔

گورنمنٹ اسلامیہ ہائی اسکول کینٹ کے پرنسپل کمیٹی کے کنونیر مقرر، دو ڈپٹی ڈسٹرکٹ ایجوکیشن افسران بھی کمٹی کا حصہ ہیں، تحقیقاتی کمیٹی تین روز میں تمام معلومات جمع کروائے گی۔