معروف نعت خواں جنید جمشید کے طیارے کو حادثہ پیش کیوں آیا تھا؟ اُس کی تحقیقاتی رپورٹ سامنے آگئی ہے۔

رپورٹ کے مطابق جہاز کے اُڑان بھرنے سے پہلے ہی جہاز کا اہم ترین پرزہ ٹوٹا ہوا تھا جبکہ دوسرا خراب تھا۔

پاکستان انٹرنیشنل ائیر لائنز نے 2016 میں تباہ ہونے والے اے ٹی آر طیارے کی ابتدائی تحقیقاتی رپورٹ حکومت کو پیش کردی ہے۔

رپورٹ کے مطابق پی آئی اے کے اے ٹی آر طیارے نے چترال سے اسلام آباد کیئے اُڑان بھری تو انجن کی پاور ٹربائن کا اسٹیج ون بلیڈ ٹوٹ کراپنی جگہ سے ہٹ گیا تھا جس کے بعد پاور ٹربائن شافٹ متاثر ہوئی جبکہ او ایس جی پن بھی ٹوٹی ہوئی تھی۔

رپورٹ میں مزید کہا گیا کہ امریکا میں او ایس جی پن کے دھاتی تجزیے سے پتا چلا کہ کسی مینٹینس کے دوران اسے غلط طور پر فٹ کیا گیا تھا۔

رپورٹ کے مطابق 4  بجکر 10 منٹ اور 34 سیکنڈز پر انجن نمبر ایک فیل ہوگیا اور 4 بجکر 11 منٹ اور 53 سیکنڈز پر او ایس جی نے کام کرنا بند کردیا۔

واضح رہے کہ حویلیاں طیارہ حادثے میں جنید جمشید سمیت دیگر مسافر جاں بحق ہوئے تھے۔

پی آئی اے حویلیاں طیارہ حادثے کی رپورٹ بھی ایئرکرافٹ ایکسیڈنٹ انویسٹیگیشن ٹیم نے پیش کردی ہے۔

پی کے 661، 7 دسمبر 2016 کو حویلیاں کے پاس گرکر تباہ ہوا تھا۔