آج کے دور میں ہر چیز کی نکل کر کے اسے اصل کی شکل دینا بہت آسان ہوگیا ہے اور اس میں ہماری ٹیکنالوجی کا بہت بڑا کمال ہے۔

ٹیکنالوجی کے استعمال سے کوئی بھی جعلی مصنوعات باآسانی اور نہایت نفیس انداز میں تیار کرلی جاتی ہے کہ اصل اور نقل میں فرق کرنا خاصہ مشکل ہوجاتا ہے۔

یہاں اصل اور نقل کے درمیان واضح فرق کے لئے 5 نشانیاں موجود ہیں۔

ایڈرس موجود نہ ہونا:

جعلی مصنوعات کے اوپر کبھی بھی ایسی تفصیلات نظر نہیں آئیں گی جن کی مدد سے آپ پروڈکٹ بنانے والی کمپنی تک پہنچ سکیں۔

ان پر نہ تو کوئی رابطہ نمبر ہوگا اور نہ ہی کوئی ای میل ایڈریس موجود ہوگا۔

اشیا کی کمی:

کمپنیاں اپنے صارفین سے ان اضافی اشیاﺀ پر انتہائی توجہ دینے کو کہتی ہیں جو وہ اپنی پروڈکٹ کے ساتھ فراہم کرتی ہیں۔

مثال کے طور پر موبائل کے ساتھ ملنے والا چارجر٬ ہینڈ فری اور معلوماتی کتابچہ وغیرہ اور مزید اس کے ساتھ پروڈکٹ کا وارنٹی کارڈ بھی لیکن جعلی مصنوعات کے ساتھ یہ تمام اشیاﺀ موجود ہی نہیں ہوتی ہیں یا پھر ان میں سے کوئی نہ کوئی شے ضرور کم ہوتی ہے۔

معیار:

جب بھی آپ موبائل فون خریدیں تو یہ جاننے کی کوشش ضرور کریں کہ وہ جعلی ہے یا کہ اصلی شناخت کے دوران اس بات پر بھی نظر رکھیں کہ موبائل فون کی اسکرین کتنی روشن ہے کیونکہ جعلی آئی فون کی اسکرین اس موقع پر کچھ زیادہ ہی روشن ہوتی ہے۔

لوگو کی سمت:

عام طور پر برانڈ اپنے لوگو اپنی پروڈکٹ پر ایک مخصوص جگہ پر منفرد فونٹس اور سائز کے ساتھ استعمال کرتے ہیں۔

اس کے برعکس جعلی کمپنیاں ان چیزوں پر بالکل دھیان نہیں دیتیں اور اس طرح آپ باآسانی اندازہ لگا سکتے ہیں۔

پیٹرن/ ڈیزائن:

مستند مصنوعات پر سلائی بہت ہی خوبصورت اور نفیس انداز سے کی جاتی ہے یہاں تک کہ اگر ان پر کوئی ڈیزائن ہو تو وہ بھی بالکل درست ہوتا ہے۔

اس کے برعکس جعلی مصنوعات کی سلائی بھی بے ڈھنگے پن کا شکار ہوتی ہے ۔