ٹوئٹر کی پالیسی میں نئی تبدیلیاں، صارفین ناخوش

عروبہ خان

17th Aug, 2021. 01:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹوئٹر کی پالیسی میں نئی تبدیلیاں، صارفین ناخوش

فیس بک اور انسٹاگرام کی طرح ٹوئٹر میں بھی اپنے صارفین کے لئے پالیسیوں میں تبدیلیاں کی جاتی رہتی ہیں تاکہ صارفین کو بہتر سے بہتر سروس دی جاسکے ۔

ٹوئٹر کی پالیسیاں حساس مواد اور دیگر اہم عناصر کو مد نظر رکھتے ہوئے بنائی اور تبدیل کی جاتی ہیں۔

حال ہی میں ٹوئٹر کی جانب سے ایک بڑی تبدیلی کا اعلان کیا گیا ہے جس سے زیادہ تر صارفین نے ناخوش ہونے کا اظہار بھی کیا ہے۔

ٹوئٹر کی اس نئی پالیسی کے حوالے سے صارفین نے اسے واپس پہلے جیسا کرنے کا مطالبہ بھی کردیا ہے۔

خیال رہے کہ ٹوئٹر کی جانب سے اس کا فونٹ اسٹائل تبدیل کیا گیا ہے ۔

ٹوئٹر نے نئے متعارف کردہ فونٹ کرپ کے انتخاب کی وجہ اس سے قبل ایک بلاگ پوسٹ میں بتائی تو لکھا تھا کہ ’یہ ٹویٹ کے فن، بے ادبی، الجھے پن اور تیزی بھرے مزاج کے ساتھ ساتھ ضرورت کے مطابق سنجیدگی کا اظہار بھی ہے۔

فونٹ کی تبدیلی کی اطلاع ٹوئٹر کے آفیشل ہینڈل پر ایک سوال کی صورت میں دی گئی تھی، ابتدائی ٹوئٹ کے چند منٹ بعد کی گئی دوسری ٹوئٹ میں ٹوئٹر نے تصدیق کی کہ فونٹ تبدیل ہو گیا ہے۔

فونٹ و دیگر تبدیلیوں پر چند گھنٹوں میں تقریباً ڈیڑھ لاکھ ٹویٹس، ریپلائز اور لائکس کرنے والے صارفین کی بڑی تعداد نے جہاں اپنی پسندیدہ ایپ کے نئے حلیے پر اعتراضات کیے وہیں کچھ ٹویٹس ایسے بھی تھے جنہیں نیا انداز اچھا لگا تو انہوں نے اس کا اظہار بھی کیا۔