وقت سب سکھا دیتا ہے، یہ کہاوت غلط نہیں ہے کیونکہ ایسے بہت سے حالات زندگی میں آتے ہیں جن سے انسان سیکھتا بھی ہے اور وہی حالات اسے کامیاب بھی بناتے ہیں۔

آج ایک ایسے ہی ننھے ساتھی کی آپ بیتی کے حوالے سے جانیں گے جو روزی کے لئے کراچی کی سڑکوں پر سامان بیچتا ہے اور اپنی تعلیم بھی پوری کرہا ہے۔

5 سال کی عمر میں کمانے کے غرض سے گھر سے نکالنے والے بچے کا نام شاہ زیب ہے۔ وہ پاکستان کے سب سے بڑے شہر کراچی سے تعلق رکھتا ہے

شاہ زیب کراچی کی سڑکوں پر موبائل فون کے استعمال میں آنے والی اشیاء کو فروخت کرتا ہے۔

شاہ زیب نے بتایا کہ وہ صبح اسکول جاتا ہے، پھر وہاں سے آکر مدرسے کے بعد میں شام میں 8 بجے سے سامان بیچنے سڑکوں پر نکل جاتا ہے۔

شاہ زیب کا کہنا ہے کہ میرے والد صاحب کرنٹ لگنے سے بیماری میں مبتلا ہوگئے تھے۔ تب سے میں پیسے کمانے کے لئے کراچی کی سڑکوں پر گھوم رہا ہوں۔

شاہ زیب کا کہنا ہے کہ میں نے مختلف کام کیے جس میں ایک چھوٹی سی دکان پر بچوں کی چیزیں بیچتا تھا پھر مجھے کسی نے بتایا کہ بولٹن مارکیٹ سے کھلونے بیچنے کیلئے رکھیں جائیں لیکن اب میں موبائل فون کیلئے استعمال ہونے والا سامان بیچتا ہوں۔

شاہ زیب کا کہنا ہے کہ میرے والدین نے مجھے سکھایا ہے کہ میں محنت کرکے کمانوں اور میں چاہتا ہوں کہ چاہیے جتنا بھی برا وقت آجائے میں اپنی والدہ اور بہن کو کبھی کام نہیں کرنے دوں گا۔