17 اگست کو مینار پاکستان پر ٹک ٹاکر عائشہ اکرم سے بدسلوکی کی ویڈیو وائرل ہوئی جس کے بعد ملک بھر میں حکومتی اقدامات پر سوال اٹھنا شروع ہوگئے۔

واقعہ کا نوٹس لیتے ہوئے وزیراعظم نے بھی فوری کارروائی کا حکم جاری کیا ہے ۔

ٹک ٹاکر سے بدسلوکی کے واقعے کی تحقیقات کا آغاز ہوچکا ہے جس میں ٹک ٹاکرعائشہ اکرم کے ساتھ موجود لڑکے کے حوالے سے بہت سے تحفظات ہیں۔

اس لڑکے کا ام ریمبو ہے جو کہ عائشہ کے اتھ بدسلوکی کے وقت وہاں موجود تھا اور اسے ویڈیو میں بھی دیکھا گیا ہے۔

اس کا عائشہ اکرام کیساتھ کیا رشتہ ہے؟ کیا دونوں آپس میں رشتہ دار ہیں یا محض صرف دوست ہیں؟

 ٹک ٹاکر کی والدہ کا کہنا ہے کہ ان کی بیٹی کبھی بغیر مقصد گھر سے باہر نہیں نکلی لیکن منظر عام پر آنے والی ویڈیوز کچھ اور ہی کہانی بیان کر رہی ہیں۔

میڈیا رپورٹس کے مطابق ٹک ٹاکر عائشہ کے اہلخانہ پہلے پہل ریمبو کو اپنا رشتے دار بتاتے رہے لیکن تحقیق کرنے پر پتا چلا کہ ان کا آپس میں کوئی تعلق نہیں ہے۔ ذرائع کا کہنا ہے کہ ریمبو اور عائشہ ہمیشہ اکھٹے آتے جاتے ہیں بلکہ ریمبو اسی کے گھر میں رہائش پذیر بھی ہے۔

ٹک ٹاکر عائشہ اکرام اور ریمبو آپس میں دوست بتائے جاتے ہیں جو اس سے قبل کئی ویڈیوز میں ایک دوسرے کیساتھ دیکھے جا سکتے ہیں۔