سوشل میڈیا پر ہر روز بہت سی ویڈیوز اور تصاویر شیئر کی جاتی ہیں لیکن ان میں سے چند ہی وائرل ہوتی ہیں۔

کسی بھی ویڈیو یا تصویر کے سوشل میڈیا پر وائرل ہونے کے لئے ضروری ہے کہ وہ دیگر سے قدرے مختلف ہو اور دلچسپ بھی ہو۔

آج ایک ایسی ہی ویڈیو کی بات کریں گے جس میں ایک گاڑی میں 3 بچھڑے دکھائی دیئے ہیں۔

یہ ویڈیو جس خاتون نے شیئر کی ہے ان کا نام  نیلسن ہے، انہوں نے بتایا ہے کہ ہم ایک ریسٹورینٹ کے ڈرائیو تھرو برانچ میں پہنچنے تو کچھ فاصلے پر ایک کار موجود تھی جس کی پچھلی نشست پر زندہ گائے موجود تھی۔

ویڈیو فیس بک پر پوسٹ ہوتے ہی وائرل ہوگئی، جسے چند گھنٹوں میں 2 لاکھ 15 ہزار مرتبہ دیکھا گیا اور اس پر ساڑھے تین سو کے قریب افراد نے تبصرے کیے جب کہ 2 ہزار صارفین نے ویڈیو کو شیئر اور لائک کیا۔

نیلسن کہتی ہیں کہ میں ویڈیو پوسٹ کرکے سوگئی اور اگلی صبح یہ دیکھ کر حیران رہ گئی کہ میری بنائی ویڈیو پر چھ ادارے خبر بنا چکے ہیں۔

انہوں نے  بتایا کہ میں تو سمجھی تھی کہ گاڑی میں نظر آنے والی گائے نقلی ہوگی مگر وہ اصلی تھی، گائے کے مالک برنی نے اس حوالے سے کہا کہ گاڑی میں ایک نہیں بلکہ تین بچھڑے تھے۔