مینار پاکستان گریٹر پارک میں خاتون ٹک ٹاکر سے بدتمیزی کے واقعے میں  نئے انکشافات اور نئے ثبوت برآمد ہوئے ہیں۔

اس حوالے سے پولیس کا کہنا ہے کہ کو تفتیش کے دوران ٹک ٹاکر عائشہ کے دوست ریمبو کے فون سے  بلیک میل کرنے والی دو آڈیوز بھی برآمد ہوئی ہیں، جس میں وہ دونوں گرفتار ملزمان کی رہائی کے بدلے رقم وصول کرنے کی منصوبہ بندی کر رہے ہیں۔

ذرائع کے مطابق پہلی آڈیو میں باآسانی سنا جا سکتا ہےکہ ٹک ٹاکر عائشہ کا ساتھی ریمبو اس سے سوال کر رہا ہےکہ مجرم چھ ہیں یا  سات ؟

ریمبو کو جواب دیتے ہوئے عائشہ نے کہاکہ 6 مجرم ہیں۔

ریمبو پھر کہتا ہےکہ فی مجرم کتنے پیسے لیے جائیں زیادہ ترغریب ہیں۔

ٹک ٹاکرعائشہ جواب دیتی ہے کہ مشکل سے انہوں  نے پانچ، پانچ لاکھ کرنا ہے۔

ٹیلی فون کال میں دونوں کے مابین 25 سیکنڈ کی گفتگو ہوئی۔

دوسری آڈیو میں سنا جا سکتا ہےکہ ریمبو کہہ رہا ہے کہ ناکھیڈاں گے ناکھیڈن دیاں گئے، میری برداشت سے باہر ہے، میں سب کچھ وائرل کر دوں گا، خود بھی تباہ ہوں گا اور تمہیں بھی کردوں گا۔

واضح رہےکہ ریمبو 4 روز کے جسمانی ریمانڈ پر ہے جبکہ ٹک ٹاکر عائشہ اکرم کے بیان کے بعد ان کے ساتھی ریمبو کو گرفتار کیا گیا تھا۔