معروف ٹی وی میزبان عامر لیاقت حسین ’بول ہاؤس‘ کے ذریعے ایک بار پھر چھوٹی اسکرین پر واپسی کررہے ہیں۔

’بول ہاؤس‘ کی پہلی قسط نے ریلیز ہوتے ہی مقبولیت کی انتہا کو چھولیا ہے اور سوشل میڈیا صارفین کی جانب سے بول ہاؤس کی پہلی قسط کو کافی پسند کیا جارہا ہے۔

سوشل میڈیا صارفین دوسری قسط کا بے صبری سے انتظار کرتے دکھائی دے رہے ہیں۔

پاکستان میں اگر پروگرام کی میزبانی کی بات کی جائے اور عامر لیاقت حسین کا نام نہ لیا جائے تو یہ بہت بڑی ناانصافی ہوگی کیوں کہ عامر لیاقت سیاست کے ساتھ ساتھ شوبز کی دنیا کے ساتھ بھی بھرپور انصاف کرتے ہیں اور یہی وجہ ہے کہ ملک کے نامور شوبز شخصیات انہیں ملک کا سب سے بڑا انٹرٹینر تسلیم کرتی ہیں۔

بول کی جانب سے چند روز قبل ’بول ہاؤس‘ کا ٹیزر بھی جاری کیا گیا تھا جس میں میزبان عامر لیاقت حسین نے کہا کہ پروگرام میں شرکت کرنے والوں کو سارے رشتے بھلا کر ایک ماہ کے لیے ’بول ہاؤس‘ میں رہنا ہوگا اور جیتنے والے کو ایک کروڑ روپے انعام ملے گا۔

بول انٹرٹینمنٹ کی جانب سے جاری کیے گئے پرومو میں دیکھا جاسکتا ہے کہ ’بول ہاؤس‘ میں شرکت کرنے والوں کو سوئمنگ پول اور جم سمیت بیڈرومز اور دیگر عالیشان سہولیات بھی مہیا کی گئی ہیں۔