بھارتی ریاست راجستھان کے نیشنل پارک میں سیاحوں کی موجودگی میں شیرنی کی کتے پر حملہ کرنے کی ویڈیو وائرل ہوگئی۔  

سوشل میڈیا پر ایک ویڈیو وائرل ہورہی ہے جس میں کچھ سیاح مختلف گاڑیوں پر گھومنے نکلے ہیں اس دوران ان کا سامنا شیر سے ہوجاتا ہے اور وہ ڈر کے مارے آگے جانے کے بجائے وہی پر رک جاتے ہیں۔

اس دوران ایک سیاح اپنا موبائل نکال کر ویڈیو بنانا شروع کردیتا ہے جس میں دیکھا جاسکتا ہے کہ سیاحوں کے ساتھ ساتھ ایک کتا بھی ڈر کے مارے سہم کر کھڑا ہے لیکن برق رفتار شیرنی اچانک سے کتے پر حملہ کرکے اپنے ساتھ لے جاتی ہے۔

یہ منظر دیکھنے کے بعد وہاں موجود سیاحوں پر سکتہ طاری ہوجاتا ہے اور ایک سیاح کو یہ کہتے ہوئے سنا جاسکتا ہے ’’شیر کتے پر حملہ کرنے والا ہے ، وہ کتے کی طرف آرہا ہے‘ اور آخرکار اس نے کتے کو پکڑلیا‘۔

اس دوران خوفزدہ سیاح دوسری گاڑی والے کو کہتا ہے ’’بھائی پیچھے کردے، ارے پیچھے کردے‘، یعنی وہ اپنی پیچھے والی گاڑی کو کہہ رہے تھے کہ جلدی سے گاڑی پیچھے کرو اور یہاں سے کسی طرح نکلو۔

خیال رہے سوشل میڈیا پر وائرل ہونے والی ویڈیو بھارت کے نیشنل پارک کی ہے جس کی ویڈیو خود انتظامیہ نے بھی اپنے یوٹیوب چینل پر شیئر کی ہے جس میں بتایا گیا ہے کہ کتے پرحملہ کرنے والی شیرنی تھی جس کا نام ’سلطانہ’  ہے۔

شیرنی کی جانب سے کتے پر حملہ کرنے کی ویڈیو 27 دسمبر کی ہے جہاں زون ون میں کچھ سیاح گھومنے آئے تھے کہ اس دوران یہ واقعہ پیش آیا۔