پاکستان دنیا بھر کی توجہ کا مرکز بنا رہتا ہے، ہماری خارجہ پالیسی، ثقافت، مہمان نوازی اور عسکری معاملات دنیا بھر کلو اپنی طرف متوجہ کئے رکھتے ہیں۔

ایسے میں دنیا بھر کے غیر ملکی متجسس شہری مجبور ہوجاتے ہیں کہ وہ پاکستان کے بارے میں جانیں، اور اس معلومات کے حصول کا بہترین زریعہ گوگل ہے، کیونکہ پاکستان کو جاننے کے لیے پاکستان پہنچنا کافی لوگوں کے لیے مہنگا ثابت ہوسکتا ہے۔

دنیا بھر کے شہری پاکستانیوں سے کافی متاثر نظر آتے ہیں، ایسے میں ہماری ثقافت، خوبصورت مقامات اور مناظر کے بارے میں جاننے کے لیے لوگ گوگل کا سہارا لیتے ہیں۔

دنیا بھر سے پاکستان اور پاکستانیوں کے بارے میں سرچ کیا جاتا ہے۔

ایسے تو ایک محتاط اندازے کے مطابق گوگل پر ہر سیکنڈ میں اوسطاً 63 ہزار، ہر منٹ 28 لاکھ، ہر گھنٹے 22 کروڑ 80 لاکھ اور ہر دن 5 ارب 60 کروڑ سے زائد سرچز کی جاتی ہیں۔

ان سرچز میں پاکستان کے بارے میں کافی چیزیں سرچ کی جاتی ہیں، جبکہ پاکستانی بھی گوگل پر کئی چیزیں سرچ کرتے ہیں۔

اس حوالے سے گوگل سرچ انجن کے ذریعے ایک بات سامنے آئی ہے جس سے معلوم ہوا کہ پاکستانی دیگر ممالک کے برعکس سب سے زیادہ ڈرامے سرچ کرتے ہیں۔

اس کے علاوہ بھارتی شہری گوگل پر سب سے زیادہ فلموں اور دیگر خوراکوں کی تلاش دیگر ممالک کے برعکس زیادہ کرتے ہیں۔

خیال رہے کہ امریکہ میں یونیورسٹیز کو گوگل کے ذریعے سب سے زیادہ سرچ کیا جاتا ہے جبکہ افغانستان میں جنگی فلمیں زیادہ پسند کی جاتی ہیں۔