ایک نوجوان نے ملک کی معروف آن لائن ریٹیل کمپنی ’فلپ کارٹ‘ سے ایک لیپ ٹاپ آرڈر کیا مگر گھر آنے پر باکس میں سے ایسی چیز نکل آئی کہ انکھیں کھلی رہ گئیں۔

غیر ملکی خبررساں ادارے کے مطابق فلپ کارٹ پر ان دنوں ’بگ بلین ڈیز‘ کے نام سے ایک بڑی سیل لگی ہوئی ہے۔

انڈین انسٹیٹیوٹ آف مینجمنٹ حیدرآباد سے فارغ التحصیل یشاسوی شرما نامی نوجوان نے اس سیل سے فائدہ اٹھانے کے لیے لیپ ٹاپ آرڈر کر دیا مگر جب آرڈر گھر پہنچا تو باکس میں سے کپڑے دھونے والے ’گھڑی ڈیٹرجنٹ‘ کے پیکٹ برآمد ہو گئے۔

تاہم شاسوی شرما نے سوشل میڈیا پر یہ واقعہ سناتے ہوئے بتایا ہے کہ اس نے جب ای کامرس کمپنی سے اس حوالے سے رابطہ کیا تو انہوں نے غلطی ماننے سے ہی انکار کر دیا اور کہا کہ انہوں نے لیپ ٹاپ ہی بھیجا تھا۔

یہ ایک واقع نہیں بلکہ بھارتی نوجوان میشو نے بھی ڈارن کیمرہ آرڈ کیا لیکن بر وقت ڈیلیوری مین کے سامنے ہی باکس کھول لیا جس میں ڈران کیمرے نہیں بلکہ دس آلو نکلے جسے دیکھ کرسب حیران رہ گئے۔

ऑनलाइन शॉपिंग करना पड़ा महँगा, युवक ने मंगाया ड्रोन, निकला आलू | Unseen India

पूरा वीडियो- https://t.co/KxZ0RsZwUl pic.twitter.com/s81XVfE5Vb

— UnSeen India (@USIndia_) September 26, 2022

تاہم یشاسوی نے اس دھوکے کے حوالے سے ایک پوسٹ میں لکھا ہے کہ ”میرے والد کی ایک غلطی میرے گلے پڑ گئی ہے۔

میں گھر میں موجود نہیں تھا اور انہوں نے پیکیج وصول کرتے ہی ڈلیوری بوائے کے سامنے اسے نہیں کھولا۔“

یشاسوی کا کہنا ہے کہ ”جب میں نے فلپ کارٹ کی ہیلپ سروس سے رابطہ کیا تو جواب ملا کہ کمپنی کے قوانین میں یہ بات شامل ہے کہ کسٹمرز ڈلیوری بوائے کے سامنے باکس کھولیں گے۔

واضح رہے کہ اگر وہ ڈلیوری بوائے کے سامنے باکس نہیں کھولتے اور بعد میں شکایت کرتے ہیں تو ان کی شکایت پر کارروائی نہیں ہو گی۔