برطانیہ شخص کا 10 منٹ میں 12 انرجی ڈرنکس پینا بری مشکل کی وجہ بن گیا۔

سوشل میڈیا پرایک ویڈیو وائرل ہو رہی ہے جس میں دیکھا جا سلکتا ہے کہ ایک صحت مند آدمی انرجی ڈرنک پی رہا ہے۔

ڈاکٹر ہسو ایک کلینیکل فارماسسٹ ہیں جو Chubbyemu نامی یوٹیوب چینل بھی چلاتے ہیں جہاں انہوں نے اس ویڈیو کو پوسٹ کیا تا کہ مزید کوئی اب ایسی حماقت نہ کریں۔

ڈاکٹر ہسو کی جا نب سے پوسٹ کی جانے والی ویڈیو میں دیکھا جا سکتا ہے کہ کس بُری طرح سے انرجی ڈرنک  نے اس شخص کے دل اور کمر میں درد پیدا کردیا۔

برطانیہ سے تعلق رکھنے والے 36 سالہ گیمر کو فوراً  اسپتال میں داخل کرایا گیا ہے تاہم ابھی وہ زیِ علاج ہیں۔

 اس سے قبل بھی ایسا واقع پیش آیا تھا کہ روزانہ چھ انرجی ڈرنکس پینے والے شخص کی زبان کا گوشت ادھڑنےلگا تھا۔

 میرر کے مطابق ڈان رائلز نے اپنی ایک تصویر آن لائن پوسٹ کی تھی جس میں واضح طور پر دیکھا گیا تھا کہ اس کی زبان پر گہری خراشیں موجود ہیں اور زبان کی اوپری سطح کا گوشت ادھڑ رہا ہے۔

اس شخص نے بتایا تھا کہ روزانہ چھ انرجی ڈرنکس پینے  کی وجہ سے زبان کا گوشت تو نکلنا شروع ہو ہی گیا تھا تاہم سامنے کے چاردانت بھی نکل گئے تھے۔

کینٹ کے رہائشی 21 سالہ طالب علم ونی پائینر کئی ماہ تک روزانہ تباہ کن انرجی ڈرنکس پینے کی وجہ سے بہت سی بیماریوں میں مبتلا ہو گیا تھا۔

اس نے مزید بتایا تھا کہ مجھے رات میں نیند بھی نہیں آتی اورس کی وجہ انرجی ڈرنکس ہے۔

واضح رہے کہ طبی ماہرین نے یہ نشاندہی کی ہے کہ بعض مشروبات کے برانڈز میں 58 گرام فی کین شوگر اور کیمیکلز کی اضافی مقدار بشمول امینو ایسڈز اور نباتاتی اجزا ہوتے ہیں موجود ہوتی ہے جو باہمی کیمیائی ردعمل کی وجہ سے اس کی زبان کا گوشت ادھیڑنے کا سبب بن سکتی ساتھ ہی دل کی دھڑکن تیز کرنے کی وجہ بھی بن سکتی ہیں۔