آپ نے پاسپورٹ تو دیکھا ہو گا جو مختلف رنگ میں ہوتا ہے لیکن نارنجی یا جامنی رنگ میں نہیں ہوتا۔

آج ہم بتائیں گے کہ کیوں پاسپورٹ نارنجی یا جامنی رنگ میں نہیں ہوتا، اس کی وجہ یہ ہے کہ کوئی بھی ملک اپنے پاسپورٹ کے لیے چمکدار رنگ منتخب کرنا پسند نہیں کرتا کیونکہ یہ سرکاری معاملات کی ترجمانی نہیں کرسکتے اور سنجیدہ رنگ نہیں کہلاتے۔

کیا آپ پاسپورٹ کے مخصوص رنگوں کے انتخاب کی دلچسپ وجہ جانتے ہیں؟

آج ہم آپکو پاسپورٹ کے مخصوص رنگوں کے انتخاب کی دلچسپ وجہ بتائیں گے۔

فضائی سفر کے اصولوں کا تعین کرنے والے ادارے انٹرنیشنل سول ایوی ایشن آرگنائزیشن (آئی سی اے او) نے ممالک کو سفری دستاویزات جیسے پاسپورٹس کے لیے مخصوص ٹائپ فیس، ٹائپ سائز اور فونٹ تجویز کیے ہیں۔

پاسپورٹس کی تیاری کے لیے ایسے میٹریل کا استعمال لازمی ہے جو سلوٹیں پڑنے سے روکے، اسی طرح یہ میٹریل ایسا ہونا چاہیے جو مختلف درجہ حرارت جیسے 14 سے 122 فارن ہائیٹ میں پڑھنے کے قابل ہو جبکہ ہوا میں 5 سے 95 فیصد تک نمی بھی اس کا کچھ بگاڑ نہ سکے۔

مگر آئی سی اے او نے کبھی بھی پاسپورٹ کے کور کے لیے مخصوص رنگ استعمال کرنے کی ہدایت نہیں کی۔

یہ بھی پڑھیں: پاکستان کا دنیا کے طاقتور ترین پاسپورٹ میں کون سا نمبر ہے اور کتنے ممالک میں بغیر ویزا پاکستانی جاسکتے ہیں؟

وجہ یہ ہے کہ گہرے رنگ نہ صرف زیادہ آفیشل محسوس ہوتے ہیں بلکہ وہ گرد و غبار اور فرسودگی کو بھی چھپا لیتے ہیں اور یہی ان کے انتخاب کی بنیادی وجہ بھی ہے۔

یعنی پاسپورٹ وقت گزرنے کے باوجود گندے یا بوسیدہ نظر نہ آئیں۔

عام طور پر پاسپورٹس کے رنگ کا انتخاب جغرافیائی، سیاسی اور مذہبی بنیادوں پر ہوتا ہے، جیسے مسلم ممالک اکثر سبز رنگ کو ترجیح دیتے ہیں۔

یورپ میں سرخ رنگ کا استعمال عام ہے، امریکی ممالک میں نیلے رنگ کے مختلف شیڈز استعمال ہوتے ہیں جبکہ سیاہ رنگ بہت کم ممالک استعمال کرتے ہیں۔