جسے اللہ رکھے اسے کون چکھے کی کہاوت حقیقت کی دنیا میں کبھی کبھار ہی صادق آتی ہے۔

 اس کہاوت کا ایک زندہ ثبوت حال ہی میں سوشل میڈیا پر وائرل ہونے والی اس تصویرمیں دیکھا جا سکتا ہے۔

گزشتہ سال برطانیہ میں پیدا ہونے والے بچے کے حوالے سے ڈاکٹروں کی جانب سے پیشن گوئی کی گئی تھی کہ یہ بچہ زیادہ سے زیادہ ایک دن زندہ رہ سکے گا۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by BBC News (@bbcnews)

Advertisement

لیکن گزشتہ روزاس بچے نے اپنی پہلی سالگرہ منا کر ڈاکٹروں کی اس پیشن گوئی کو غلط ثابت کر دیا ہے۔

 سوشل  میڈیا پر اس بچے کو خوشی کے ساتھ اپنی سالگرہ کا کیک کٹ کرتا دیکھ کر جہاں اس کے والدین اور گھر والے بہت خوش ہو رہے ہیں وہیں سوشل میڈیا صارفین بھی بہت خوش ہیں۔

سوشل میڈیا صارفین کی جانب اس بچے کو صحت یابی کی بہت دعائیں دی جا رہی ہیں ساتھ ہی اسے سالگرہ کی مبارک باد بھی پیش کی جا رہی ہے۔

41 سالہ عمر میں برطانیہ کی خاتون میری کلیئر ٹولی نے شادی کے تین سال بعد اپنے بیٹے ہیکٹر کو جنم دیا تو ڈاکٹروں نے اسے بتایا کہ وہ ایک دن سے زیادہ زندہ نہیں رہیں گا۔

یاد رہے کہ اس بچے کی پیدائش 23 ہفتوں کے دوران ہی ہوگئی تھی۔

صرف 23 ہفتوں میں قبل از وقت پیدا ہونے والے بچے نے اب تمام تر مشکلات کو پیچھے چھوڑتے ہوئے اپنی پہلی سالگرہ دھوم دھام سے منا لی ہے۔

برطانیہ کی خاتون میری کلیئر ٹولی نے اپنے بیٹے کے حوالے سے بتایا کہ آج میرا بیٹا زندہ ہے یہ ایک معجزہ ہے اورسب کی دعاؤں کا نتیجا بھی ہے۔

میری کلیئر ٹولی نے بتایا کہ ہیکٹر اب تک اپنی زندگی کی 259 راتیں اسپتال میں گزار چکا ہے۔

انہوں نے بتایا کہ اسے پیدائشی ایسی بیماری تھی جسے ہائیڈروسیفالس کہا جاتا ہے۔

یہ ایک ایسی بیماری ہوتی ہے جس میں دماغ میں خون بہنے کی وجہ سے ریڑھ کی ہڈی کا سیال جسم کے گرد نہیں بہہ سکتا، اور اس کی مختلف اقسام بھی ہوتی ہیں۔

اس کے علاوہ ہیکٹر پھیپھڑوں کی دائمی بیماری، ریٹینوپیتھی اور سنٹرلائزڈ سلیپ ایپنیا کا شکار ہے اور اس وجہ سے ایک فیڈنگ ٹیوب بھی اس میں لگائی گئی ہے۔

چونکہ ہیکٹر کوویڈ 19 کی وبا کے دوران پیدا ہوا تھا اس لیے والدین کو دیگر مشکلات کا سامنا بھی ہوا جس میں اول بچے سے نہ ملنا تھا۔

خیال رہے اسپتال میں ہیکٹر کو کور کر کے رکھا جا تا تھا اور پھرا سے ریسیسیٹیشن ڈیپارٹمنٹ میں بھی بھیج دیا گیا تھا۔

واضح رہے کہ دنیا میں بہت سے ایسے واقعات ہوتے ہیں لیکن زندگی اور موت اللہ کے ہاتھ میں ہے اللہ جسے چاہے زندگی دے اور جسے چاہے موت دے، بے شک وہ بڑا غفورو رحیم ہے۔