بنگلورو کے ایک مالک مکان نے اپنا فلیٹ کرائے پر دینے کے لیے انوکھی شرط رکھ کر سب کو حیران کردیا۔

 غیر ملکی خبر رساں ادارے کے مطابق مالک مکان نے کرائے پردیے جانے والے فلیٹ کے لیے ڈگری ہولڈر ہونے کی شرط رکھ دی۔

کیا آپ نے کبھی سوچا تھا کہ مالک مکان آپ کی تعلیم کو اس طرح سے اہمیت دے گا؟

 قابلِ غور بات صرف ڈگری ہولڈر ہونا ہی نہیں بلکہ IIT اور IIM جیسے اداروں کی ڈگریاں حاصل کرنا ضروری ہے۔

 اس حوالے سے ایک شخص نے انکشاف کیا کہ وہ ایک فلیٹ میں رہائش کی تلاش میں تھا لیکن فلیٹ کے مالک نے شرط عائد کی کہ آپ کے پاس IIT، IIM اور Indian School of Business (ISB) جیسے نامور اداروں میں سے کسی کی بھی ڈگری ہے تو فلیٹ کرائے کے لیے دوں گا اور اگر نہیں ہے تو میں یہ فلیٹ آپکو کرائے کے لیے نہیں دے سکتا۔

  ٹویٹر پر اس فلیٹ کےحوالے سے ایک بروکر کے درمیان ہونے والی گفتگو کا اسکرین شاٹ شئیر کیا گیا جو دیکھتے ہی دیکھتے سوشل میڈیا پر وائرل ہو گیا۔

 ٹویٹر پر وائرل ہونے والے اس اسکرین شاٹ نے تمام ٹویٹر صارفین کو حیران کر دیا ہے۔

وائرل ہونے والے اس اسکرین شاٹ میں دیکھا جا سکتا ہے کہ مسٹر جین نامی شخص نے فیس بک پر ایک فلیٹ کے بارے میں پوچھا تو بروکر نے اس شخص سے اس کی لنکڈ ان پروفائل کا لنک مانگا۔

بروکر کی جانب سے مانگی گئی لنکڈ ان پروفائل مسٹر جین نے جیسے ہی بروکر کو بھیجی تو انہوں نے اسے فلیٹ دینے سے انکار کردیا اور ان سے معزرت کر لی۔

کیونکہ مسٹر جین کی لنکڈ ان پروفائل میں یہ بات واضح تھی کہ وہ ایک آسٹریلوی سافٹ ویئر کمپنی Atlassian میں کام کرتے ہیں اور انہوں نے VIT ویلور کے ایک نجی انجینئرنگ کالج میں تعلیم حاصل کی ہے۔

 مسٹر جین نے بروکر سے جب فلیٹ نہ دینے کی وجہ پوچھی تو انہوں نے بتایا کہ فلیٹ کے مالک مکان کی یہ شرط ہے کہ یہاں آنے والا کوئی بھی کرائے دار IIT, IIM, CA, ISB سے گریجویٹ ہو۔

ٹویٹر پر وائرل ہونے والی مالک مکان کی جانب سے رکھی گئی اس انوکھی شرط پرسوشل  میڈیا صارفین کی جانب سے متعدد کمنٹس کیے جا رہے ہیں۔

ایک صارف نے اس پوسٹ پر کمنٹ کرتے ہوئے کہ کہ اب کیا بروکر اور مالک مکان کو ذہن میں رکھ کر سی وی بنانی ہو گی۔

 واضح رہے کہ اکثر سوشل میڈیا کچھ ایسی چیزیں وائرل ہو جاتی ہیں جس دیکھ کر صارفین حیران ہو جاتے ہیں۔