بزرگ شخص نے یہ بات تو ثابت کر دی کہ اسٹنٹ کرنے کے لیے کم عمر ہونا ضروری نہیں ہوتا۔

سوشل میڈیا پر ایک بزرگ شخص کی سائیکل چلانے کی ویڈیو وائرل ہو رہی ہے۔

Enjoy every moment ❤️ pic.twitter.com/sOujOxmEfD

— ज़िन्दगी गुलज़ार है ! (@Gulzar_sahab) November 29, 2022

وائرل ہونے والی ویڈیو میں دیکھا جا سکتا ہے کہ ایک بزرگ شخص سائیکل پر اسٹنٹ کر رہے اور دونوں ہاتھ کھول کر سائیکل کو چلا رہے ہیں۔

برسات کے موسم سے لطف اندوز ہوتے ہوئے منفرد انداز میں سائیکل چلانے والے شخص نے صارفین کی توجہ اپنی جانب مبذول کر لی ہے۔

صارفین کی  جانب سے اس ویڈیو پر متعدد کمنٹس بھی کیے جا رہے ہیں۔

ایک صارف نے کہا کہ عمر کا کیا تعلق دل جوان ہونا چاہیے۔

 جبکہ ایک صارف نے مشورہ دیا کہ اپنی عمر کا خیال کریں اگر کوئی حادثہ ہو جائے تو اس عمر میں کیا کریں گے۔

اس سے قبل بھارتی پولیس نے بھارتی نوجوان کو موٹر سائیکل پر خطرناک کرتب دکھانے پر گرفتار بھی کیا تھا۔

 گزشتہ دنوں بائیک پر خطرناک کرتب دکھانے کی ویڈیو اور تصاویر سوشل میڈیا پر وائرل ہوئی تھیں۔

ویڈیو وائرل ہوتے ہی نوجوان کو حراست میں لیا گیا جبکہ اسٹنٹ کیلئے استعمال ہونے والی موٹر سائیکل کو بھی ضبط کرلیا گیا تھا۔

پولیس کا کہنا تھا کہ خطرناک اسٹنٹ کی ویڈیو ریکارڈنگ کرنے والوں کیخلاف بھی کارروائی کی جائے گی۔

واضح رہے کہ نوجون پر پولیس نے 4,200 کا جرمانہ بھی لگا دیا ہے۔