امریکی خلائی تحقیق کے ادارے ناسا کی ارتھ آبزرویٹری سیٹلائٹ نے زمین کا سرد ترین مقام کے حوالے سے آگاہ کر دیا۔

غیر ملکی خبررساں ادارے کے مطابق زمین کا مشاہدہ کرنے والی خلائی رسد گاہ ناسا نے بتایا کہ زمین پر سرد ترین مقام براعظم انٹارکٹکا میں موجود ایک پہاڑی چوٹی ہے۔

ناسا نے بتایا کہ یہ چوٹی براعظم کے مشرقی سطح مرتفع میں ہے۔

ناسا کے مطابق یہاں پر سردیوں میں درجہ حرارت منفی 135 اعشاریہ 8 ڈگری فارن ہائٹ (منفی 93 اعشاریہ 2 ڈگری سینٹی گریڈ) تک گرسکتا ہے۔

گزشتہ ہفتے امریکا کے زیادہ تر علاقے شدید سردی اور برفانی طوفان کی زد میں رہے اور اس کے نتیجے میں بہت زیادہ برفباری بھی ہوئی۔

:مزید پڑھیں

https://www.bolnews.com/urdu/amazing/2022/12/477107/

جبکہ تباہی پھیلانے والی ہواؤں کے ساتھ درجہ حرارت نقطہ انجماد سے 20 درجے نیچے یعنی منفی 20 تک گر گئی تھی۔

اگر کسی بھی اوسط شخص کو براہ راست 10 منٹ تک اس صورتحال کا سامنا کرنے پڑے تو وہ فروسٹ بائٹ میں مبتلا ہوسکتا ہے۔

فروسٹ بائٹ ایسی کیفیعت ہے جس میں جسم کے اعضا ٹوٹ کر گرجاتے ہیں۔

سائنسدانوں کے مطابق زمین کے اس سرد ترین مقام کا درجہ حرارت مریخ کے بعض علاقوں سے بہت کم ہے۔

واضح رہے کہ مریخ، زمین کے مقابلے میں سورج سے بہت دوری پر ہے۔ مریخ کا اوسط درجہ حرارت 81 ڈگری فارن ہائٹ ہے، لیکن سردیوں میں یہ منفی 220 ڈگری تک گرجاتا ہے۔