چینی لڑکی نے انوکھی وجہ کی بنیاد پر بوائے فرینڈ سے بریک اپ ہی کرلیا۔

غیر ملکی خبر رساں ادارے کے مطابق ایک چینی لڑکی نے صرف اس لیے بریک اپ کیا کہ پہلی بار بوائے فرینڈ کی فیملی سے جب ملی تو گھر والوں نے کھانے کو اچھی چیزیں پیش نہیں کی۔

لڑکی نے بتایا کہ میں جب پہلی باربوائے فرینڈ کی فیملی سے ملنے گئی تو مجھے بہت مایوسی کا سامنا کرنا پڑا۔

لڑکی نے بتایا کہ بوائے فرینڈ کی فیملی نے تلے ہوئے انڈے، کدو کا دلیہ، اسٹر فرائی اور مختلف ٹھنڈے پکوانوں کے ساتھ نوڈلز کا پیالہ پیش کیا۔

سوکان شیکسن نے بتایا کہ جنوب مغربی چین کے صوبہ سیچوان سے تعلق رکھنے والی 20 سالہ لڑکی 2 روز کے لیے جب اپنے بوائے فرینڈ کےگھرگئی تو کافی مایوسی کا شکار ہوئی۔

:مزید پڑھیں

https://www.bolnews.com/urdu/trending-on-social-media/2022/12/707533/

سوکان شیکسن نے مزید بتایا کہ لڑکی نے اپنے بوائے فرینڈ کی فیملی سے ملنےکے لیے ڈھائی گھنٹے کا سفر طے کر کے اُن کے گھر گئی تھی۔ لڑکی نے کہا کہ پہلی ملاقات پر تو لوگ کیا کیا اہتمام کرتے ہیں لیکن میرے بوائے فرینڈ کے گھر والوں نے ایسا کچھ نہیں کیا۔

  اس نے مزید بتایا کہ میں دو دن کے لیے رُکنے کے ارادے سے گئی تھی اور لڑکے کے گھر والے سب جانتے تھے کہ مجھے کیا پسند ہے اور کیا نہیں اور یہ بھی جانتے تھے کہ مجھے نوڈلز نہیں پسند  اُس کے باوجود دو دن تک صرف نوڈلز ہی پیش کیے۔

 سوشل میڈیا پروائرل ہونے والی اس نیوز پر سوشل میڈیا صارفین نے اپنی اپنی رائے پیش کی۔ ایک صارف نے کمنٹ میں کہا کہ گھر والوں نے اس لیے ایسا کیا کیونکہ بظاہر وہ لڑکی کو پسند ہی نہیں کرتے ہو گے۔

جبکہ ایک صارف نے کہا کہ یہ بھی ہو سکتا ہے کہ لڑکی اچھی نہ ہو۔

واضح رہے کہ سوشل میڈیا پر نت نئی باتوں پر آج کل بریک اپ کرنا ور ایک دوسرے سے تعلقات ختم کرنا بہت آسان بات بن گئی ہے۔