گرمیوں میں اے سی اکثر گھروں میں چلایا جاتا ہے لیکن اس کے بل سے لوگ پریشان بھی ہوتے ہیں۔

آج ہم آپ کو بتائیں گے کہ اے سی کو کس وقت اور کتنی اسپیڈ پر چلانا چاہئیے جس سے بجلی کا بل کم آئے گا۔

اے سی آن کرتے وقت دیگر آلات بند کردیں

جب آپ اے سی آن کرتے ہیں تو اس بات کو نظر انداز کر دیتے ہیں کہ اے سی اور دیگر برقی آلات آپ کے بجلی کے بل میں حیرت انگیز اضافے کا باعث بن سکتے ہیں۔ ایسے میں اس بات کا خیال رکھیں کہ جب اے سی آن کریں تو غیر ضروری برقی آلات کو بند کر دیں تاکہ بجلی کی بچت ہو سکے۔

 اے سی ٹیمپریچر آپ کے بل کو کم کر سکتا ہے

اگر آپ اپنے اے سی ٹیمپریچر کو کم رکھیں گے یعنی 18 ڈگری پر رکھیں گے تو آپ کا کمپریسر کام بھی رفتہ رفتہ کرے گا جس سے بجلی کا استعمال بھی زیادہ ہوگا۔ بانسبت اس کے کہ آپ اے سی ٹیمپریچر بڑھاتے ہیں یعنی 24 ڈگری پر رکھیں، تو اے سی بجلی کا استعمال کم کرے گا جس سے بجلی کی بچت ہو سکتی ہے۔

بجلی کے بل بڑھانے والے گھنٹے

 اگر آپ چاہتے ہیں کہ اے سی کی ٹھنڈک بر قرار رہے اور پیک آورز میں اے سی بھی نہ چلے، تو پیک آورز سے پہلے ہی اے سی آن کر دیں اور کمرے کو بند کر دیں تاکہ کمرہ ٹھنڈہ ہو جائے۔ اس طرح آپ پیک آورز میں اے سی کی ٹھنڈک سے بھی لطف اندوز ہو پائیں گے اور بجلی کا بل بھی مناسب آ سکتا ہے۔

اپنے اے سی کو انورٹر اے سی بنائیں

انورٹر اے سی کی خاص بات یہ ہے کہ یہ بجلی بچانے میں کارآمد ہو سکتے ہیں۔ عام اے سی کے مقابلے میں انورٹر اے سی 40 فیصد سے 60 فیصد تک بجلی کی بچت کرتا ہے۔

اگرچہ انورٹر اے سی کی قیمت عام اے سی کے مقابلے میں زیادہ ہے مگر ہر ماہ ہزاروں کے بل سے بہتر ہے ایک بار ہی خرچہ کر لیا جائے۔