میٹھے آم کی پہچان کا انتہائی آسان طریقہ

ویب ڈیسک

05th Jun, 2023. 02:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میٹھے آم کی پہچان کا انتہائی آسان طریقہ

موسم گرما میں سب سے زیادہ کھایا جانے والا پھل آم ہے جو اکثر لوگوں کو پسند ہوتا ہے۔

آم خریدتے ہوئے انہیں چکھ کر خریدنا ممکن نہیں ہوتا تو آج ہم آپ کو آسان طریقہ بتائیں گے جس سے آپ ہر بار بہترین پھل ہی اپنے گھر لے جا سکتے ہیں۔

میٹھے آم منتخب کرنے کا آسان ترین طریقہ

آپ چھو کر پکے ہوئے آم تلاش کر سکتے ہیں، آم کو ہاتھ میں پکڑ کر نرمی سے دبا کر دیکھیں اگر وہ آم پکا ہوا ہوگا تو دباؤ سے معمولی سا دب جائے گا، البتہ اگر وہ سخت ہو تو اس کا مطلب ہے کہ ابھی وہ پوری طرح پکا نہیں۔

ایک اور آسان طریقہ آم کو سونگھنا ہے، مکمل پکے ہوئے آم کے اوپری حصے میں تیز اور میٹھی مہک ہوتی ہے جہاں ڈنڈی کا نکتہ موجود ہوتا ہے۔

جو آم پکے ہوئے نہیں ہوتے، ان میں عموماً خوشبو نہیں آتی یا بہت مدھم ہوتی ہے۔

اگر آم بھرا ہوا اور فٹبال کی طرح گول ہے خاص طور پر ڈنڈی والے حصے میں تو یہ بھی پکے ہوئے آم کی نشانی ہوتی ہے۔

پتلے آم یا جھریوں والے چھلکے کے آم کو خریدنے سے گریز کریں۔