کیا آپ جانتے ہیں کہ بالوں کا رنگ شخصیت کے اہم راز بتاتا ہے؟ اگر نہیں تو آج ہم آپ کو بتائیں گے۔

جدید دور میں اکثر لوگ اپنے بالوں کو نت نئے رنگوں میں ڈائی کرواتے ہیں۔ لیکن کیا آپ جانتے ہیں کہ جو رنگ آپ اپنے بالوں کے لئے منتخب کرتے ہیں وہ آپ کے بارے میں بہت کچھ بتاتا ہے؟

  آج ہم آپ کو بتائیں گے آپ کی شخصیت کے وہ راز جو آپ کے بالوں کی رنگت سے ظاہر ہوتے ہیں۔

سیاہ بال

بالوں کو سیاہ رنگ میں رنگنے والے لوگ پرسکون اور تھوڑے سے خودغرض ہوتے ہیں۔ یہ شاعری بھی پسند کرتے ہیں۔ ان میں بولنے سے زیادہ سننے کی عادت ہوتی ہے جس کی وجہ سے یہ اچھے معالج اور مشیر ثابت ہوتے ہیں۔ مزاج میں حساس اور اپنے آپ میں مگن رہنے والے ہوتے ہیں۔

سرمئی بال

سرمئی بالوں والے لوگ انتہائی خاموش طبعیت اور اپنے آپ میں گم رہنے والی شخصیت کے مالک ہوتے ہیں۔ یہ جذباتی طور پر مستحکم، عقلمند اور پرسکون طبعیت کے مالک ہوتے ہیں اور پرسکون زندگی کی خواہش رکھتے ہیں۔

براؤن بال

بالوں کو براؤن رنگ میں رنگنے والے لوگ بے پناہ محنت اور عزم و ہمت رکھنے والے ہوتے ہیں۔ یہ ہر وقت مصروف رہنا چاہتے ہیں کیونکہ فارغ رہنے سے ان کو اکتاہٹ محسوس ہوتی ہے۔ براؤن بال رکھنے والے لوگ اپنی بہترین منصوبہ بندی کی صلاحیتوں سے کسی بھی پریشانی کا مقابلہ کرسکتے ہیں۔ یہ بہترین لیڈر ہوتے ہیں۔

سنہرے بال

سنہری رنگت میں بالوں کو رنگوانے والے افراد ذہین اور روشن خیال سمجھے جاتے ہیں۔ یہ مزاج میں پرسکون اور عاجز ہوتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں