محبت میں پاکستان آکر شادی کرنیوالی انجو واپس بھارت کیوں گئی؟

ویب ڈیسک

30th Nov, 2023. 04:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محبت میں پاکستان آکر شادی کرنیوالی انجو واپس بھارت کیوں گئی؟

فیس بک پر ہونے والی دوستی کی خاطر بھارت سے پاکستان آکر دیر کے رہائشی نصراللہ سے شادی کرنے والی انجو جنہوں نے نکاح سے قبل مسلمان ہوکر اپنا نام فاطمہ رکھ لیا تھا، چار ماہ بعد واپس بھارت چلی گئیں۔

دلی پہنچنے پر انہوں نے میڈیا سے گفتگو کرتے ہوئے خوشی کا اظہار کیا اور کہا کہ میں ابھی کچھ نہیں کہنا چاہتی۔

بھارت جانے کے حوالے سے فاطمہ کے شوہر نصر اللہ کا کہنا ہے کہ بھارت میں کچھ مسائل کا سامنا تھا جسے حل کر کے اور اپنے بچوں کو لے کر ان کی اہلیہ فاطمہ واپس لوٹ آئیں گی۔

انہوں نے کہا کہ فاطمہ تین ماہ کے لیے بھارت گئی ہیں، ہو سکتا ہے وہ بھی اس عرصے میں بھارت جائیں۔

خیال رہے کہ فاطمہ 22 جولائی 2023 کو واہگہ بارڈر لاہور کے راستے پاکستان پہنچی تھیں جس کے بعد 25 جولائی کو ان کا پاکستانی نوجوان نصر اللہ کے ساتھ نکاح ہوا تھا۔

انجو بھارت میں شادی شدہ تھیں اور ان کے بچے بھی تھے، انجو کے سابق شوہر اروند نے بتایا تھا کہ وہ جے پور جانے کے بہانے گھر سے نکلی تھی لیکن بعد میں اہلِ خانہ کو پتہ چلا کہ وہ پاکستان میں ہے۔