امریکا کی ایران پر نئی پابندیاں، فوجی فنڈنگ اور شیڈو بینکنگ نیٹ ورک کو نشانہ بنایا گیا

ویب ڈیسک

17th Sep, 2025. 11:25 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا کی ایران پر نئی پابندیاں، فوجی فنڈنگ اور شیڈو بینکنگ نیٹ ورک کو نشانہ بنایا گیا

واشنگٹن: امریکا نے ایران پر نئی اقتصادی پابندیاں عائد کر دی ہیں جن کا ہدف ایران کی فوجی فنڈنگ اور اس سے منسلک مالیاتی نیٹ ورکس ہیں۔

امریکی محکمہ خزانہ کے مطابق یہ اقدام ایران کی جانب سے تیل کی فروخت سے حاصل ہونے والی آمدن کو پاسدارانِ انقلاب تک منتقل کرنے کے خلاف اٹھایا گیا ہے۔

بیان میں کہا گیا ہے کہ نئی پابندیوں کے تحت ہانگ کانگ اور متحدہ عرب امارات کی متعدد شخصیات اور اداروں کو بھی شامل کیا گیا ہے جو ایران کے مالیاتی نیٹ ورک سے جڑے تھے۔

امریکی حکام کے مطابق یہ نیٹ ورکس عالمی مالیاتی نظام کا غلط استعمال کر رہے تھے تاکہ ایران پر عائد پرانی پابندیوں کو بائی پاس کیا جا سکے۔

محکمہ خزانہ نے واضح کیا کہ امریکی شہری اور کمپنیاں اب ان اداروں یا شخصیات کے ساتھ کسی بھی قسم کا کاروبار نہیں کر سکیں گی جو ان پابندیوں کا حصہ ہیں۔ خلاف ورزی کرنے والی کمپنیوں کو قانونی کارروائی اور بھاری جرمانوں کا سامنا کرنا پڑ سکتا ہے۔

امریکی حکام کا مؤقف ہے کہ یہ اقدامات ایران کی “غیر قانونی سرگرمیوں اور فوجی مقاصد کی فنڈنگ” کو روکنے کے لیے ناگزیر ہیں۔