لندن: امریکی صدر ڈونلڈ ٹرمپ اپنے دوسرے سرکاری دورے پر لندن کے اسٹینسٹڈ ایئرپورٹ پہنچ گئے۔
امریکی صدر خصوصی طیارے ایئر فورس ون کے ذریعے برطانیہ پہنچے جہاں برطانوی وزیر خارجہ ایویٹ کوپر اور دیگر اعلیٰ حکام نے ان کا استقبال کیا۔
ٹرمپ اپنے دورے کے دوران برطانوی بادشاہ چارلس سوم کی خصوصی دعوت پر ونڈزر کیسل جائیں گے، جہاں ان کے اعزاز میں باضابطہ استقبالیہ تقریب اور شاندار سرکاری عشائیہ دیا جائے گا۔ صدر ٹرمپ نے روانگی سے قبل اپنے بیان میں اس دعوت کو “عظیم اعزاز” قرار دیا۔
مزید پڑھیں: ٹرمپ ناٹ ویلکم ، لندن میں احتجاج کے ذریعے امریکی صدر کے استقبال کی تیاریاں
امریکی صدر اور خاتونِ اول میلانیا ٹرمپ لندن میں واقع امریکی سفیر کی رہائش گاہ ون فیلڈ ہاؤس میں قیام کریں گے۔
Advertisement
ٹرمپ کے اس دورے کے دوران برطانیہ میں سیاسی و سفارتی ملاقاتوں کے علاوہ تجارتی تعلقات پر بھی بات چیت ہوگی۔ ساتھ ہی برطانیہ بھر میں مختلف مقامات پر احتجاجی مظاہروں کی توقع ظاہر کی گئی ہے۔ سکیورٹی اداروں نے مظاہرین اور شرکاء کے پیش نظر لندن اور ونڈزر میں سخت حفاظتی انتظامات کر رکھے ہیں۔
واضح رہے کہ ٹرمپ کا یہ دورہ برطانیہ کے ساتھ امریکہ کے تعلقات میں نئی جہت پیدا کرنے کے تناظر میں انتہائی اہمیت کا حامل سمجھا جا رہا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
