شہرقائد میں بوندا باندی کاآغاز ہوگیا ہے۔

تفصیلات کے مطابق کراچی کے مختلف علاقوں میں بوندا باندی کے ساتھ تیزہوائیں بھی چل رہی ہیں جس سے سردی کی شدت میں بھی اضافہ ہوگیا ہے۔

ملک کے بیشتر حصوں میں بارش

محکمۂ موسمیات کے مطابق شہر قائد میں سائبیرین ہواؤں کا راج ہے، شہر میں 25 سے 35 کلومیٹر فی گھنٹہ کی رفتار سے شمال مشرقی ہوائیں بھی چل رہی ہیں۔

یخ بستہ ہواؤں کے باعث سرد موسم کی شدت میں اضافہ ہوگیا، آج کراچی کا کم سے کم درجۂ حرارت 14 ڈگری سینٹی گریڈ ریکارڈ کیا گیا۔

شہر قائد میں شروع ہونے والی بوندا باندی اب بارش میں تبدیل ہو سکتی ہے جس سے سردی کی شدت میں بھی اضافے کا امکان ہے۔

واضح رہے کہ ترجمان محکمہ موسمیات کا کہنا ہے کہ بارش ہونے کے 12سے 18 گھنٹے بعد سردی کی ایک نئی لہرشہر کا رخ کرسکتی ہے۔

کل یعنی 13جنوری سے شروع ہونے والی سردی کی لہر 22 جنوری تک جاری رہ سکتی ہے۔