شہر قائد میں ہیٹ ویو کا خطرہ ٹل گیا

عروبہ خان

18th May, 2020. 12:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہر قائد میں ہیٹ ویو کا خطرہ ٹل گیا

شہر قائد میں ہیٹ ویو کا خطرہ ٹل گیا کیونکہ شہر میں سمندری ہوائِیں تاحال جاری ہیں۔

تفصیلات کے مطابق چیف میٹرولوجسٹ سردار سرفراز کا کہنا ہے کہ آج شہر میں درجہ حرارت 38 ڈگری سینٹی گریڈ تک جانے کا امکان ہے اور سمدندری ہوائیں معطل نہ ہوئی تو ہیٹ ویو نہیں کہا جاسکتا ہے۔

انہوں نے کہا ہے کہ شہر میں آئندہ دو دنوں میں درجہ حرارت میں اضافہ ہوسکتا ہے۔

یاد رہے کہ آج سے شہر میں ہیٹ ویو کی پیش گوئی تھی اور میٹرولوجسٹ سرفراز کا کہنا تھا کہ آئندہ پانچ روز تک شہر کا درجہ حرارت بڑھنے کا امکان ہے جبکہ اس دوران سمندری ہوائیں رک جائیں گی جس سے گرمی کی شدت میں اضافہ ہوسکتا ہے۔

خلیج بنگال میں بننے والا طوفان اگلے 48 گھنٹوں میں شہرقائد پر آج سے مزید گرمی کی شکل میں اثر انداز ہوسکتا ہے جس کے باعث معتدل ہیٹ ویو 22مئی تک جاری رہنے کا امکان ہے۔

محکمہ موسمیات کے مطابق آج موسم گرم اور مرطوب رہنے کا امکان ہے۔

درجہ حرارت زیادہ سے زیادہ 38سے40ڈگری سینٹی گریڈ کے درمیان رہےگا۔

واضح رہے کہ شہر بھر میں دن کے اوقات میں سمندری ہوائیں معطل رہیں گی جبکہ شمال مغربی علاقوں سے گرم اور خشک ہوائیں چلیں گی۔