کراچی شہر میں آج موسم گرم اور مرطوب رہنے کا امکان ہے۔

محکمہ موسمیات کا کہنا ہے کہ آج شہر میں گرمی کی شدت میں اضافہ ہوسکتا ہے جس کے باعث درجہ حرارت 36 ڈگری سینٹی گریڈ تک رہنے کا امکان ہے ۔

شہر کراچی میں آج کم سے کم درجہ حرارت 26 ڈگری سینٹی گریڈ ریکارڈ کیا گیا ہے جبکہ ہوا میں نمی کا تناسب 40 فیصد ریکارڈ کیا گیا ہے۔

دوسری جانب کل سے شہر میں گرمی کی لہر (ہیٹ ویو)  کا امکان ہے جس دوران درجہ حرارت 40 ڈگری سینٹی گریڈ تک جانے کا امکان ہے۔

محکمہ موسمیات کے ہیٹ ویوسینٹر نے کراچی میں گرمی میں اضافے کی وارننگ جاری کردی ہے۔

کراچی میں 23 سے 25اپریل کے دوران گرمی بڑھنے کا امکان، محکمہ موسمیات

محکمہ موسمیات کےہیٹ ویوسینٹرنےکراچی میں گرمی میں اضافے کی وارننگ جاری کردی۔ pic.twitter.com/hseVAxiVIY

— Karachi Alerts™ (@Khi_Alerts) April 21, 2021

ایک پیغام میں بتایا گیا ہے کہ کراچی میں 23 سے 25 اپریل کے دوران  گرمی بڑھنے کا امکان ہے۔

محکمہ موسمیات کے مطابق 23 سے 25 اپریل کے دوران درجہ حرارت 40 ڈگری سینٹی گریڈ تک جا سکتا ہے جس کے باعث موسم شدید گرم اور خشک رہے گا۔

محکمہ موسمیات نے بتایا ہے کہ اس دوران ہواؤں کی سمت جنوب مغربی سے شمال مغربی ہوجائے گی اور شہر میں دن کے اوقات میں گرم ہوائیں چلیں گی جبکہ شام میں سمندری ہوائیں بحال ہوجائینگی۔