بارشوں کے نئے اسپیل کی پیشگوئی، کراچی سمیت سندھ بھر میں اربن فلڈنگ کا خدشہ

مریم حسن

12th Jul, 2022. 03:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بارشوں کے نئے اسپیل کی پیشگوئی، کراچی سمیت سندھ بھر میں اربن فلڈنگ کا خدشہ

محکمہ موسمیات نے کراچی سمیت سندھ بھر میں بارشوں کے نئے اسپیل کی پیشگوئی کردی۔

محکمہ موسمیات کے مطابق 13 تا 18 جولائی نیا سسٹم سندھ بھر میں بارش برسائے گا جس سے شہر قائد میں موسلادھار بارشوں کا امکان ہے۔

پی ڈی ایم اے نے متعلقہ اداروں کو احتیاطی تدابیر اور انتظامات مکمل کرنے کی ہدایت کردی ہے۔

ڈپٹی کمشنرز اور ڈپٹی ڈائریکٹر سمیت تمام اسٹیک ہولڈرز کو اقدامات کرنے کی ہدایت کی گئی ہے۔

پی ڈی ایم اے نے متعلقہ اداروں سے کہا ہے کہ کراچی ، حیدرآباد اور سکھر سمیت دیگر شہروں میں اربن فلڈنگ کے خدشات ہیں، پانی کی نکاسی کے لیے ڈی واٹرنگ مشین اور عملے کی دستیابی یقینی بنائی جائے ۔

بارش سے متاثرہ افراد کی مدد کے لیے ہیلپ لائن قائم کی جائے اور عوام کے لیے پانی اور ضروری ادویات کی فراہمی یقینی بنانے کے ساتھ ساتھ ایمبولینس کی بمع طبی عملے کے چوبیس گھنٹے سڑکوں پر موجودگی یقینی بنائی جائے۔

پی ڈی ایم اے نے شہریوں کو دوران بارش گھروں میں رہنے کی ہدایت کرتے ہوئے کہا ہے کہ موسلادھار بارش کے دوران ڈرائیونگ سے اجتناب کیا جائے ۔ سیاحوں کو بھی احتیاطی تدابیر اختیار کرنے کی ہدایت کی گئی ہے۔