سندھ میں ممکنہ شدید سردی کی لہر کا امکان، پی ڈی ایم اے نے الرٹ جاری کردیا

مریم حسن

10th Jan, 2023. 04:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ میں ممکنہ شدید سردی کی لہر کا امکان، پی ڈی ایم اے نے الرٹ جاری کردیا

سندھ میں ممکنہ شدید سردی کی لہر کے امکان کے باعث پی ڈی ایم اے سندھ نے الرٹ جاری کردیا۔

تفصیلات کے مطابق پی ڈی ایم اے سندھ نے ڈپٹی کمشنرز کو سیلاب زدہ علاقوں میں ضروری اقدامات کرنے کی ہدایات جاری کردیں۔

پی ڈی ایم اے سندھ نے ڈپٹی کمشنرز کو سیلاب متاثرین کے لیے پینے کے پانی سمیت دیگر اشیائے ضروریہ کی فراہمی یقینی بنانے اور کثیر تعداد میں اسٹاک کرنے کی ہدایت کی ہے۔

اسپتالوں میں بجلی کی سپلائی کو ہمہ وقت یقینی بنانے کی بھی ہدایت کی گئی ہے جبکہ سیاحوں اور مسافروں سے دوران سفر خصوصی احتیاط برتنے کی درخواست کی ہے۔

واضح رہے کہ ممکنہ شدید سردی کی لہر کے دوران سندھ کے مختلف شہروں میں درجہ حرارت 2 ڈگری سینٹی گریڈ تک جانے کا امکان ہے۔

تھرپارکر، لاڑکانہ، شہداد کوٹ، کشمور، جیکب آباد میں کم سے کم درجہ حرارت 4 تا 2 ڈگری سینٹی گریڈ جبکہ خیر پور، سکھر، شہید بے نظیر آباد، گھوٹکی، سانگھڑ میں درجہ حرارت 5 تا 3 ڈگری سینٹی گریڈ رہنے کا امکان ہے۔

اس کے علاوہ کراچی، حیدرآباد، ٹنڈو الہیار اور ٹھٹھہ میں درجہ حرارت 7 تا 5 ڈگری سینٹی گریڈ رہنے کا امکان ہے۔