چیف میٹرولوجسٹ سردار سرفراز نے موسم گرما میں بارشوں کے حوالے سے نوید سناتے ہوئے کہا کہ موسم گرما میں معمول سے کم بارشیں ہوں گی۔

چیف میٹرولوجسٹ سردار سرفراز نے پیشگوئی کی ہے کہ گزشتہ سال کے مقابلے میں اس سال بارشیں معمول سے کم ہیں جبکہ بڑے شہروں میں اربن فلڈنگ کی صورتحال پیدا ہو سکتی ہے۔

سردار سرفراز نے بتایا کہ کراچی کے مضافاتی علاقوں میں بارش ہوئی، تاہم آج شام اور رات میں بھی تیز بارش کا امکان ہے جبکہ اگلے دو سے تین دن میں بارشوں کا تیز اسپیل شروع ہوسکتا ہے۔

اس حوالے سے فیڈرل فلڈ کمیشن کے چیئرمین احمد کمال نے کہا کہ محکمہ موسمیات ہر سال 2 بار پیشگوئی کرتا ہے، مون سون کے شروع ہونے سے پہلے تمام صوبائی محکمے اقدامات کرتے ہیں۔

انہوں نے مزید کہا کہ اس سال بھی تمام اقدامات کیے جارہے ہیں جبکہ گزشتہ 4 سے 5 سال میں موسمیاتی تبدیلیاں دیکھنے کو ملی ہیں۔

واضح رہے کہ کراچی میں آج دوپہر سے بارش کی شدت میں اضافہ ہوگا تاہم شہر میں وقفے وقفے سے موسلادھار بارش کا بھی امکان ہے۔

محکمہ موسمیات کے مطابق شہر قائد میں وقفے وقفے سے موسلادھار بارش کا سلسلہ کل تک جاری رہنے کا امکان ہے اور اس دوران شدید گرج چمک کے ساتھ آندھی چلنے کا بھی امکان ہے۔

محکمہ موسمیات نے بتایا کہ 26 جولائی تک بارش برسانے والا سسٹم شہر سے نکل جائے گا، جس کے بعد اگست کے پہلے ہفتے میں بارش کا امکان ہے۔

محکمہ موسمیات کا کہنا ہے کہ رواں سال معمول سے کم بارشوں کا امکان ہے، تیز ہواؤں کے سبب کمزور ساخت کی عمارتوں اور دیگر کو نقصان کا خدشہ ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں