محکمہ موسمیات نے کراچی کے مختلف علاقوں میں آج دن میں بوندا باندی کی پیش گوئی کر دی۔
محکمہ موسمیات کے مطابق کراچی میں آج شام کہیں کہیں بوندا باندی کا امکان ہے جبکہ آئندہ چوبیس گھنٹوں کے دوران شہر کا مطلع جزوی طور پر ابر آلود رہے گا۔
شہر قائد کے موسم کے حوالے سے محکمہ موسمیات کا کہنا ہے کہ سردی کی شدت میں مزید اضافہ ہو گا، دن بھر بادل چھائے رہیں گے اور رات میں سرد ہوائیں چلیں گی۔
یہ بھی پڑھیں: کراچی میں سردی کی لہر، محکمہ موسمیات کی اہم پیش گوئی
محکمہ موسمیات نے بتایا کہ شہر کا آج کم سے کم درجہ حرارت 13.5 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 25 تا 27 ڈگری سینٹی گریڈ ریکارڈ ہونے کا امکان ہے۔
شہر میں ہوا میں نمی کا تناسب 89 فیصد ریکارڈ کیا گیا جس کے وجہ سے گرمی آج زیادہ محسوس کی جائے گی، تاہم شہر میں 4 کلو میٹر فی گھنٹہ کی رفتار سے ہوا چل رہی ہے۔
دوسری جانب آزاد کشمیر اور خیبرپختونخوا کے پہاڑوں کی رونقیں بحال ہوگئیں، سوات کی وادی کالام اور مالم جبہ میں برفباری جاری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News