ملک کے بیشتر علاقوں میں آج موسلادھار بارش اور پہاڑوں پر شدید برفباری کا امکان ہے۔

محکمہ موسمیات کے مطابق مغربی ہواؤں کے زیراثر ملک کے بیشتر علاقوں میں بارش اور پہاڑوں پر برف باری کا سلسلہ جاری ہے، تاہم اسلام آباد اور گر دو نواح میں آج وقفے وقفے سے آندھی/جھکڑ چلنے، گرج چمک کے ساتھ بارش اور چند مقامات پر موسلادھار بارش کا امکان ہے۔

نوکنڈی، دالبندین، چاغی، لسبیلہ، آواران، تربت اور کیچ میں مزید بارش کا امکان ہے جبکہ گوادر، جیوانی، پسنی، اورماڑہ، پنجگور، خاران، واشک، نوشکی، قلات، خضدار، مستونگ اور سبی میں بھی مزید بارش متوقع ہے۔

نصیر آباد، کوہلو، جھل مگسی، لورالائی، ژوب، شیرانی، بارکھان اور موسیٰ خیل میں بھی بارش کا امکان ہے جبکہ زیارت، کوئٹہ، چمن، پشین، قلعہ عبداللہ اور قلعہ سیف اللہ میں اکثر مقامات پر آندھی /جھکڑ چلنے اور گرج چمک کے ساتھ موسلا دھار بارش اور پہاڑوں پر شدید برفباری کا امکان ہے۔

علاوہ ازیں بلوچستان میں آج چند مقامات پر ژالہ باری کی بھی توقع ہے جبکہ مری، گلیات اور گردو نواح میں آندھی/ تیز ہواؤں اور گرج چمک کے ساتھ وقفے وقفے سے بارش اور برفباری کا امکان ہے۔

مری میں آج مو سلادھار بارش اور درمیانی سے شدید برفباری کی بھی توقع ہے جبکہ چترال، دیر، سوات، کوہستان، شانگلہ، بونیر، ایبٹ آباد، مانسہرہ میں موسلا دھار بارش اور پہاڑوں پر برفباری کا امکان ہے۔

ہری پور، صوابی، مالاکنڈ، مردان، پشاور، چارسدہ، نوشہرہ، باجوڑ، خیبر، مہمند اور کرم میں مزید بارش اور پہاڑوں پر برفباری کا امکان ہے جبکہ کوہاٹ، وزیرستان، کرک، لکی مروت، بنوں اور ڈیرہ اسماعیل خان میں اکثر مقامات پر آندھی /جھکڑچلنے اور گرج چمک کے ساتھ موسلا دھار بارش اور پہاڑوں پر شدید برفباری کا امکان ہے۔

خیبر پختونخوا میں آج چند مقامات پر ژالہ باری کی بھی توقع ہے جبکہ کراچی، حیدر آباد، دادو، ٹھٹہ، بدین، جامشورو، نوشہرو فیروز، شہید بینظیر آباد اور میر پور خاص میں بھی بارش کی پیشگوئی کی گئی ہے۔

خیر پور، سکھر، جیکب آباد، کشمور، موہنجودڑو اور لاڑکانہ میں آندھی /جھکڑچلنے اور گرج چمک کے ساتھ بارش اور چند مقامات پر موسلادھار بارش اور ژالہ باری کا بھی امکان ہے جبکہ موسلا دھار بارشوں کے باعث خیبرپختونخوا، کشمیر، مری، گلیات، اسلام آباد، راولپنڈی کے برساتی/مقامی ندی نالوں میں طغیانی کا خدشہ ہے۔

اسکے علاوہ مری، گلیات، ناران، کاغان، دیر، سوات، کوہستان، مانسہرہ اور ایبٹ آباد میں بارش اور برفباری سے رابطہ سڑکیں بند ہونے کا خدشہ ہے جبکہ بالائی خیبر پختونخوا، مری، گلیات، کشمیر اور گلگت بلتستان میں لینڈسلائیڈنگ کا خدشہ ہے۔

آندھی،جھکڑ، گرج چمک اور تیز بار ش کے باعث کمزور انفرا اسٹرکچر (بجلی کے کھمبے، گاڑیوں سولر پینل وغیرہ) کو نقصان کا بھی اندیشہ ہے۔