ملک کے مختلف علاقوں میں گرج چمک کے ساتھ بارش کی پیشگوئی

ویب ڈیسک

26th Apr, 2024. 02:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کے مختلف علاقوں میں گرج چمک کے ساتھ بارش کی پیشگوئی

سندھ میں پہلی مون سون بارش میں 23 افراد جاں بحق، 33 زخمی

محکمہ موسمیات نے ملک کے مختلف علاقوں میں گرج چمک کے ساتھ بارش کی پیشگوئی کر دی ہے۔

محکمہ موسمیات کی جانب سے کی گئی پیشگوئی کے مطابق بلوچستان میں آج رات سے موسلادھار بارش کاامکان ہے۔

بارش کے باعث بلوچستان کے مقامی اور برساتی ندی نالوں میں طغیانی کا خطرہ ہے، نوشکی، چاغی، خاران، تربت، کیچ، گوادر، آواران اور زیارت میں بارش کی توقع ہے۔

کل سے 29 اپریل تک دیر، سوات، چترال،مانسہرہ، کوہستان اور آزادکشمیر میں بارش کا امکان ظاہر کیا گیا ہے، خیبر پختونخوا، مری، گلیات اور گلگت بلتستان میں لینڈسلائیڈنگ کا خدشہ ہے۔

اسلام آباد اور گر دو نواح میں گرج چمک کے ساتھ بارش جبکہ راولپنڈی، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، سیالکوٹ، نارووال، لاہور، قصور، اوکاڑہ، فیصل آباد، ٹوبہ ٹیک سنگھ، جھنگ، خوشاب، سرگودھا، میانوالی اور پاکپتن میں بارش متوقع ہے۔

سندھ کے شہروں سکھر،خیر پور، جیکب آباد، کشمور،حیدر آباد، بینظیر آباد میں بارش کی پیشگوئی کی گئی ہے، خیبرپختونخوا کے شہروں ڈیرہ اسماعیل خان، لکی مروت، بنوں،ٹانک، وزیرستان، کرک، کوہاٹ، کرم،باجوڑ، مہمند، خیبر، پشاور اور چارسدہ میں بھی بارش کا امکان ہے۔